Page 112 - Литература 5 кылаас 1 чааhа

Ала ынаҕым маҥырыыр…
Аһыныылаах тойон аҕам,
Абыраллаах тааспын аҕал!»
Саҥарбыт саҥа сатанымына,
Сата буурҕа тардылынна…
Аалыы көмүс хоруона
Ала нуоҕай куорсуна
Арбай-сарбай хамсанна.
Арсан-Дуолайга маарынныыр
Амаан-дьамаан айахтаах,
Аттаах кымньыытын халыыр,
Сатыы тайаҕын талыыр
Албын-көлдьүн ыраахтааҕы
Ардайдаах тииһэ ардьаҥныыр,
Алларастаан айдаарыйар,
Ар-бур тыла сатаарыйар:
«Ха-хаа, хи-хии, ха-ха-хаа!
Хара үөнүм-курдьаҕаам!
Хаарыан тааһын хардатын
Хайыы-үйэҕэ ылбытын
Хайдах бутуйар дьабыный,
Хамсыктаабыт хаҥылый!
Туохтааҥ эрэ, нохойдоор,
Тоҕус палач уолаттар!
Чугу-чугу-чугучуну,
Чурум-Чурумчукуну,
Былаахыттан быыһанан,
Быччалдьыйа турбутун
Чолоҥнуурун тохтотуҥ!
Содуом санаа соттуктаах
Соллоҥнорун соботун!
Муораларга быраҕан,
Моһуоратын көннөрүҥ,
Чоҥоро далай байҕалга
Чомполотон өлөрүҥ!»

112