Page 131 - Литература 5 кылаас 1 чааhа
P. 131
эмэҕирбит холбуйаны хаппаҕын тэһэ хаһан киирэн
иһигэр уйа оҥостубуттар. Уйаларын арыйбыта —
кыр курдук манньыат буолла. Күөрэгэй соһуйан тал-
бааран хаалла: кылаат! Көмүллүбүт кылаат!
Манньыаттаах холбуйатын дьиэтигэр илдьэ та-
ҕыста. Кутуйахтарын сүүстэриттэн ааҕа сыллаталаан
ылла. Үөрүүтүттэн ыарыылаахтык тутан, хас да ку-
туйаҕы «чууп» дэттэ. Кинилэр, Күөрэгэй үөрүүтүн өй-
дөөбөккө, өлөртөөрү бобута тутта диэн куттаннылар.
Күөрэгэй кутуйахтары ааҕа манньыат үөһэ олор-
то уонна, манньыаттары эргитэ-эргитэ, хатан куо-
лаһынан ыллаан эйээрэ олордо:
Эргичий, эргичий,
Эргийэн дьэргэчий,
Көмүс манньыат —
Күндү кылаат…
Кутуйахтар алдьаммыт хороонноругар кэлэн ба-
ран сүрдүк айманнылар. Күөрэгэй: «Дьэ дьонноргут
дии! Эһиги хорооҥҥутун алдьаппатаҕым буоллар,
манньыаттары хантан ылыа этимий?» — дии сатаата.
Алдьаммыт хороонтон тэйиччи муннукка сири
сөмүйэтинэн тобулу аста уонна: «Манан хороонно
хастыҥ», — диэтэ.
Кутуйахтар кыыһырбыттыы тураллар. Кинилэртэн
биири ылан сөмүйэтинэн тобулу аспыт хайаҕаһы-
гар укта, ол кутуйах хаһан, кэннинэн кыырпах буору
ыспытынан барда.
***
Күөрэгэйгэ аҕата уотурба аҕала кэллэ. Кыыһа ки-
ниэхэ үс манньыаты биэрдэ.
— Манньыат!.. Хантан буллуҥ, тоойуом?.. Ман-
ньыат!.. — диэтэ оҕонньор уонна хараҕын күлтэччи
көрдө.
131
