Page 64 - Литература 5 кылаас 1 чааhа

Өттүгэр туттан баран,
Оргууй аҕайдык
Утары хааман
Чугаһаан истэ.
Сымнаҕаһырҕатан ыкса киирэн
Тутаары дугдуҥнаан истэҕинэ,
Атыыр оҕус
Кэннинэн чохчос гынаат,
Буулдьа курдук
Үөстүүрүнэн түһэн кэбистэ.
Өрө баһан таһааран
Үстэ-түөртэ
Өрүтэ быраҕаттаан,
Үөрбэ чаҕаан муоһугар
Өтүрүтэ түһэртээн
Өлөрөн кэбистэ.
Үҥкүрүс-күөлэһис гынан
Бэйэтэ-бэйэтинэн буола оҕуста.
Күтүр өстөөҕү
Бэрбээкэйиттэн ылан —
Илбис кыыһыгар
Биэс тарбах
Мэнэгэйдээх биэриитэ,
Уон тарбах
Оноҕойдоох уунуута! — диэн
Өрө кыыратан кэбистэ.
Ону,
Илбис кыыһа
Хара маҥаас суор буолан,
«Хаах» диэбитинэн
Харбаан ылан
Күлүк диэки
Күпсүйэ турда.
Үөрүү үрдээтэ,
Уруу улахана буолла.

64