Page 67 - Литература 5 кылаас 1 чааhа

Ааҕыы, сэһэргэһии

Сергей Степанович Васильев—Борогонскай

Айыы Дьураҕастай

Түллэр муора түгэхтээх,
Туруук хайа талааһыннаах,
Араҕас буор ардайдаах,
Кыһыл кумах кыбытыылаах,
Охтон бараммат
Уһун дьылҕан мастаах,
Уолан көҕүрээбэт
Уйгу быйаҥ уулаах,
Уоттаах күн удьуордаах,
Араҥас ый арыалдьыттаах,
Үргэл сулус үрүөлдьүттээх,
Чолбон сулус дьуолкалаах
Орто аан ийэ дойду диэн
Олохсуйбута эбитэ үһү.

Хайдах сирий ол диэтэргит,
Хара түүлээх
Ханыылаан үөскээбит,
Үрүҥ түүлээх
Үөрдээн үмүөрбүт,
Көтөр кынаттаах
Көнчөхтөөн көппүт,
Бараммат балыга
Барҕаран тахсыбыт;
Икки атахтаах,
Иннинэн сирэйдээх,
Киһи аймах
Кэлэн элбээбит,
Уу харахтаах,
Улаан ньуурдаах,
Урааҥхай аймах
Омуннуран ууһаабыт.

67