Page 73 - Литература 5 кылаас 1 чааhа

Арҕаһа уйарынан
Суон соруктанан
Суол хааны тэлэн кэллим.
Самантан,
Туһулуур тус арҕаа
Сибири баай тойон,
Сигиди баай хотун диэн
Оҕонньордоох эмээхсин
Олохсуйан олорбуттара.
Сиикэйи аһаабатах,
Сибэкки дьөрбө дэйбиирдээх
Күөгэлдьин Куо диэн,
Көрдөр харахтарын
Дьүккүтэ буолбут,
Күҥҥэ булбут
Күндү кыыстаахтара.
Ол кыыстарын
Сырдык тыына,
Сылаас кута
Үрүҥ Айыы этиитинэн
Үстээх эрдэҕиттэн
Эн, Айыы Дьураҕастай,
Иэйэхситтээх куккун кытта
Биир биһиккэ
Бигэммиттэрэ үһү.
Ону,
Арсан Дуолайтан
Аҕыс ситимнээх
Ала Лыгый оҕонньор аҕалаах,
Улуу Суорунтан
Уон тымырдаах
Уот Маҕалай эмээхсин ийэлээх
Алып Хара бухатыыр кэлэн
Тоҥ күөнүнэн
Тоҕо хааман,
Быһа былдьаан,

73