Page 98 - Литература 5 кылаас 1 чааhа

Сорудахтаах Ньургуйаана
Суостаах саарга тиийбитин
Тоҕус суодал буойуннар
Чокуйа сыһан ыыттылар.
Үрүҥ көмүс дыбарыас
Үрдүк гранит кирилиэһиттэн
Үтүрүйэн кээспиттэрэ
Үҥкүрүйэн түспүтэ,
Үлтүрүйэн эрэ хаалбакка,
Өлө сыһан төнүннэ…
Чоххо-кыымҥа маарыннаах
Чоҕул хара харахтаах,
Чуор мутук обоччолоох
Чурумчуку чороҥ сордоох,
Тойон саары утаран,
Тугу гыныай, хайыаҕай?
Дурдата — туой буор ордуута,
Харыһыга — харах уута…
Чурумчуку санаарҕаата,
Туймаарыйан олордо…
Туох дьиибэ буолтун билэ,
Тойон саарга бэйэтэ
Чуо тиийэр толкуйданна.
Онуохаҕа баара дуо,
Чулуу-талыы хотуна,
Ньургуйаана доҕоро,
Тохтотоору туората,
Ууратаары уҕалдьыта
Уларыта-тэлэритэ,
«Оннук-маннык», — диэн этэ,
Утарылаһа олордо.
«Барыма! — диэтэ кини. —
Барыма тойон саарга!
Үрдүк дьаалы ыраахтааҕыны
Өргөс сытыы хараҕынан

98