Page 33 - Литература 5 кылаас 2 чааhа
P. 33
Хачыгыр, урут хотун ыҥырыытынан уһатан бар-
даҕына, бииртэн куоттаҕына, ол иннигэр хаста да
уҥан тиллэрэ.
— Хотон айаҕын мээнэ аһан кэбиһэллэр дии…
— Кэл диэтим!
— Оттон, Чөрөөкүйэни баайа турдахпына, Саа-
дьаан тиийэн…
— Өссө кэлбэккэ тураҕын дуо?!
— Оттон Саадьаан санаата туолуо буоллаҕа…
Оһох хаҥас чанчыгынан икки-үс хардыыны иннин
диэки бараат, уот иннигэр олорор хотун, илиити-
гэр кылгас уот анньар маһы туппутунан, икки эҥил
баһынан өрө дьигиһийэ олорорун көрөн, дьик гына
түстэ. Кини ити курдук дьигиһийдэр эрэ, Хачыгыр
аанньа буолбат этэ.
— Хотунуом! Ааттаһабын-көрдөһөбүн…
— Өссө халлыгырыы тураҕын дуо?!
Хачыгыр, «уруккуттан охсор сириҥ бу баар» диэх-
хэ айылаах, икки чэчэгэйин хам туттан, охсулларга
бэлэм гына төбөтүн төҥкөппүтүнэн, эрдэттэн үлэтин
бүтэриэх курдук, сыҥсыйан ытыы истэ. Онтон Хачы-
гыр хараҕыттан кыымнар бырдаҥалыы түстүлэр…
Хачыгыр оҕунна:
— Абытай… Айыкка, айыккыы!
— Аны… аны кэйдэриэҥ дуо, ээ? — хотун хойуу
куолаһа баргыйдаҕын аайы, мас тыаһа битиргиир.
Хачыгыр, хонууга бырахпыт собо курдук, иэнинэн
лаһыйара мөлтөөн, ытыыра бөлүөстэн барда.
— Бу мас сыта ньулуун дуу, аһыы дуу? — эмээх-
син маһын Хачыгыр муннугар дугдуруйар.
Эмээхсин маннык дьикти-дьиибэ ыйытыыта уура-
йаары гыммыт бэлиэтэ этэ.
— Тур, киэр буол!
Хачыгыр мөхсүбүтүнэн ат буола түспүтэ, кулгаа-
ҕын тыаһа чуҥ гына түстэ уонна сир үрдэ, хаан буо-
33
