Page 78 - Литература 5 кылаас 2 чааhа

6. Тэмэлдьигэн Миитэрэй «күрүөҕүн аанньа туппат
буола-буолаҕын», «үтүө сүөһүнү… баалкынан эт-
тиигин» диэн этиилэрэ төһө олохтоохторуй?

7. Тэмэлдьигэн Миитэрэй «быһыыта, ардах кэлээ-
ри гынна дуу?» диэн этиитэ тугу кытта ситим-
нээҕий? Бу түһүмэх дьүүлэ төһө олохтооҕуй?

Тыыннаах тыл
Кэпсээн сюжетынан сценаҕа туруорарга инсцени-
ровката суруйан холонон көрүҥ.

УУС-УРАН ТЫЛ ЭЙГЭТИГЭР

Тэмэлдьигэн Миитэрэй — ааттыын Тэмэлдьигэн,
Тоноҕосчут, нууччалыыта — Стрекоза. Кини киһиэхэ
төһө баайыттан, тойонуттан көрөн сыһыаннаһар. Ба-
лачча былаастаах «аҕа ууһун баһылыга» киһи эрээ-
ри, айдаан ис дьиҥин, чахчытын билэ, быһаара
сатаабакка, «үөһээҥҥилэр» эрэ кыыһырбатыннар,
баайдар эрэ өһүрбэтиннэр диэнинэн тускуланан,
дьонун-сэргэтин олоҕун «салайбыта» буолар. Ман-
нык бэйэлэрин эрэ тустарын толкуйдуур тойотто-
ру А. И. Софронов күлүүгэ таһаарар. Итинник дьон
сиэрэ суох, түктэри майгыларын сытыытык арыйан
ойуулааһыны сатира дэнэр.

78