Page 12 - Литература 7 кылаас 1 чааhа

Тылбытын байытабыт

Улаан — сиэлэ-кутуруга суох, сиһин ороҕо, самыыта сырдаан
көстөр сылгы.

Балаада — (эрг.) олус сиэдэрэй оҥоһуулаах улахан дьиэ.

Тыыннаах тыл

Уол оҕо туһунан өс хоһоону, ох тылы ырытыһыҥ, бэйэҕит эбии
булуҥ, айарга холонуҥ:

Уол оҕо төрөөтөҕүнэ суор үөрэр.
Уол оҕо дьоло орто дойдуга, көлөһүнэ күн сиригэр.
Уол оҕо биир күн ат уорҕатыгар, биир күн ат өрөҕөтүгэр.
Тимир уһаарыллан тимир буолар, уол оҕо эриллэн эр бэрдэ

буолар.
Эр киһи уһун санаалаах, киэҥ көҕүстээх.

Анаан дьүүллэһии

«Уол оҕо анала» тиэмэ тула кэпсэтиҥ.

Өлүөнэ өрүс

(Норуот тойуга)

Кэтит Сибиир киэргэлигэр киирбит,
Аан дойду хаартатыгар анньыллыбыт,
Улуу дойду остуоруйатыгар суруллубут,
Омук-омук умсугуйбут,
Киһи аймах кэрэхсээбит,
Бар дьон махтаммыт,
Төрөтөр оҕо төлкөлөммүт,
Иитэр сүөһү чэчирээбит,
Өрөгөр көҕүллээх үөрдүспүт,
Нэлим сиэллээх сиэттиспит,
Атырдьах туйахтаах айыллыбыт,

12