Page 13 - Литература 7 кылаас 1 чааhа

Киһи төрдө кэскиллэммит,
Урааҥхай төрдө ууһаабыт,
Саха төрдө салаллыбыт,
Үгүс киһи үөскээбит,
Элбэх киһи иитиллибит,
Үскэм үүнээйилээх,
Өлгөм сөлөгөйдөөх,
Илгэ быйаҥ эркиннээх,
Кэтит быйаҥ кэһиилээх,
Уйгу быйаҥ олохтоох,
Үгүс элбэх уулаах
Үс үллэр үөстээх
Өрөгөйдөөх саргылаах
Өлүөнэ эбэм барахсан
Үөһээ өттүттэн үрэллэн,
Аллараа өттүттэн айманан,
Тоҥ мууһун хампарытан,
Үрүт мууһун үрэйэн,
Кыдьымах мууһун кыралаан,
Хадыһа аайы халытан,
Чүөмпэ аайы сүөкэтэн,
Сыыр сыыры сыылларан,
Тумул тумулу суурайан,
Көмүк көмүгү көҥүрүтэн,
Кэтит кэтиттик килэдитэн,
Наһаа наһаатык дьалкыйан,
Хоту диэки айаннаан
Куугунаан түһэн бара турда...
Ити курдук устан унаарыйан истэҕинэ,
Илин Сибиир диэкиттэн
Иҥнэри сиэлэн,
Иҥиэттэн-иҥэрсийэн кэлбит
Үгүс элбэх үрүйэ уутун
Үмүрүччү тардан ылан
Үһүөрүйэн түспүт,
Алыс элбэх аабылаан уутун
Алкыйа тардан ылан
Айыллан үөскээбит

13