Page 28 - Литература 7 кылаас 1 чааhа

— Чэ, этиэм суоҕа диэн ыл андаҕай, оччоҕо эрэ итэҕэ-
йиэм, — диэбит Манчаары.

Чыычаах Уйбаан араас таҥаранан, күнүнэн, сиринэн эргитэн
андаҕайбыт.

— Эн этиэ суох буолан андаҕайдыҥ, итиэннэ эттэххинэ, мии-
гиттэн хоргутаайаҥый, бэйэҕиттэн хоргутаар, адьас тыыҥҥын
иһиллиэм кэнники өттүгэр, — диэбит Манчаары.

Итигирдик кэпсэтэн баран, икки аҥыы арахсыбыттар. Чыы-
чаах Уйбаан дьиэтигэр киирэн, аҕатыгар кэпсээн биэрбит Ман-
чаарыны көрсүбүтүн туһунан. Ону истэн баран, аҕата эппит:

— Тыый! Бу үлүгэри, ол Манчаары баҕайы манна сылдьар
эбит ээ, арааһынай алдьархайы оҥоруо буоллаҕа, арай тойом-
мутугар Чоочоҕо тыллыы охсуохха, — диэбит.

— Ээ, кэбис! Кимиэхэ да этимэ диэбитэ, мин этиэ суох буо-
лан андаҕайбытым.

— «Кэбис» буола-буола, акаары! Ол эн андаҕайбытыҥ ула-
хан буолуо дуо! Билигин Манчаары араас суол алдьархайы
оҥордоҕуна, эн көрсөн баран эппэтэххэр баһыҥ барыа. Ону
билэҕин дуо? — диэбит аҕата.

— Эттэххинэ, кэнники өттүгэр миигиттэн хоргутаайаҕын, бэ-
йэҕиттэн хоргутаар диэбитэ. Онон миигин кэнники өлөрүө буол-
лаҕа дии, — диэбит.

— Ээй, акаары! Ол Манчаарыны билигин тутталлар эрэ, ки-
нини эмиэ көҥүл ыытан күүлэйдэтиэхтэрэ дуо? Хайа, түргэнник
суолун буллараллар ини, — диэбит аҕата.

Манчаары иккиһин тутуллуута

Дьөгүөр Миитэрэйэп чаччыына сарсыҥҥытыгар баран Чоо-
чоҕо тыллыыр, Манчаары сылдьарын туһунан. Ол кэмҥэ Чоочо
кинээһиттэн тахсан, уола кинээс буолан олорор. Бары мустан-
нар сүбэлэспиттэр, Манчаарыны хайдах тутар туһунан. Сүбэ-
лэһэн, түммүттэр манныгынан: көрсүбүт киһи Чыычаах Уйбаан,
хат ирдээн булан, албыннаан дьиэтигэр киллэрэн саһыарары-
гар; ол саһыаран баран, Манчаары утуйа сытар кэмигэр сэбин-
сэбиргэлин ылаттаан баран, таһырдьа кэтээн сытар дьоҥҥо
биллэрэригэр. Ол сүбэ быһыытынан, Чыычаах Уйбааҥҥа со-
рудах биэрбиттэр. Онуоха Чыычаах аҕатыгар кэпсээбитин ку-

28