Page 155 - Литература 8 кылаас 1 чааhа
P. 155
Бачыгыраһан тураллар,
Сыыйыы тимир боробулуохалар
Сырдьыгынаһа оонньуу тураллар…
Күндээрэн-сандааран,
Күлүмүрдүүр
Элэктэриичистибэ уота
Элбээбит…
Хатан ыстаал кынаттардаах
Көтөр ааллар диэннэр
Күөх халлааннары
Көхсүлэринэн
Көтөн
Күүгүнэһэ сылдьаллар…
Хаар устун
Хайыһарынан сүүрэр
Салгыҥҥа эрдинэ сылдьар
Салгын сыарҕалара
Түргэн-түргэнник
Түптэлэнэ көтө сылдьаллар,
Дьоҥкура кырыаран турар
Дьоһун бөдөҥ тыаларбыт
Хаба ортолоруттан
Халлааннары суруталыыр
Араадьыйа баҕаналара
Адаарыһан тахсан тураллар…
Кубулуна оонньуу турар
Үлүүстүрэ таастардаах,
Хурустаал таас түннүктэрдээх,
Сиэркилэ таас эркиннэрдээх
Сиэдэрэйкээн дьиэлэргэ
Үүс, киис олбохтордоох
Дьоһун-мааны
Дьоннорбут
Ыраах-ыраах дойдулар
Ырыаларын-тойуктарын,
Мургун муоралар уҥуоргутунааҕы
Муусукалар тыастарын,
Арааһынай тыллары-өстөрү
Араадьыйа күүһүнэн
Истэ-билэ олорор
Идэлээхтэр эбит,
Көтөр аалга олорон,
155
