Page 159 - Литература 8 кылаас 1 чааhа
P. 159
Күтүр улахан
Оҥоһууну
Оҥорон тэрийэн кэбистин…
Ыйытыылар уонна сорудахтар
1. Бэйиэт күүстээх санаатын туойар хоһоон сүрүн ис номоҕун
ырытыһыҥ. Рифматыгар, ритмигэр, уобарастарыгар, хоһоон-
ноохтук ааҕыыга болҕомтоҕутун ууруҥ.
2. Хоһоон эһиэхэ ханнык иэйиини уһугуннарарый? Киһи бэ-
йэтин күүһүгэр эрэнэр, тулуурдаах, дьулуурдаах буоллаҕына
олоҕун суолун бэйэтэ оҥостор кыахтаах дуо? Күндэ хоһоо-
нугар этэр сүбэ-соргу тыллара эһиэхэ туох санааны, толкуйу
үөскэттилэр?
3. Күндэ хоһооннорун бэйэтин көлүөнэ суруйааччыларын айым-
ньыларын кытта тэҥнээн көрүҥ, туох уратылаахтарын эбэтэр
майгыннаһар өрүттэрин ыйыҥ (тыла-өһө, тиэмэтэ, идиэйэтэ,
суруйар истиилэ уо.д.а.).
ЧИНЧИЙЭР ҮЛЭ
П.А. Ойуунускай «Сүүс сыллаах улуу былааныгар» 2017 сылга
диэри өтө көрбүт санааларын уонна бэйэтин кэмигэр фантастика
курдук ааҕыллыбыт Күндэ «Кэнэҕэски кэскил» уонна «Күүстээ-
хийэ санаабыт» диэн хоһооннорун тэҥнээн көрүҥ, сүрүн көрүүлэ-
рин ырытарга холонуҥ.
ЛИТЕРАТУРАЛАР АЛТЫҺЫЫЛАРА
Чинчийээччилэр Күндэ хоһоонугар өҥ-дьүһүн уратытын тиэр-
дэр сатабыла Сергей Есенин поэзиятыгар дьүөрэлии диэн бэлиэ-
тииллэр. Алын кылааска аахпыт айылҕаны хоһуйар айымньыла-
ры өссө төгүл санатыһыҥ — майгыннаһар, уратылаһар өрүттэрин
булан ырытыҥ.
Уруок кэнниттэн
Олорор түөлбэҕит сайдан кэлбит кэрдиис кэмнэрин үөрэтэн,
олохтоох тэлэбиидэнньэҕэ эбэтэр хаһыакка иһитиннэриитэ бэ-
лэмнээҥ.
159
