Page 157 - Литература 8 кылаас 1 чааhа
P. 157
Тыыннаах тыл
Хоһоон суолталаах кэрчиктэрин наардаан, хас биирдии көстүү-
лэрин этэр ис номохторун айымньыга чугаһатан кэпсээҥ.
Бу хоһоону бүгүҥҥү олохпутун кытта тэҥнээн көрүҥ. Бэйиэт ин-
никини сылыктаан өтө көрбүтэ туолбут дуо?
Анаан дьүүллэһии
Биллэрин курдук, саха суруйааччылара саҥа олоҕу уруйдуур
ис хоһоонноох айымньыларын айылҕа уһуктуутун, сайын кэлии-
тин, күөххэ үктэниини кытта ситимнииллэр (холобур, Алампа
«Төрөөбүт дойду»). Бу хоһооҥҥо ол суох, арай бэйиэт «кэлиэх-
тээх кэрэ кэскили» тоҕо эрэ кыһын уобараһыгар холуур:
«Аан-даам тымныыта
Айыһыйан ахан турар,
Баай хара тыаларбыт
Бар кырыа буолбуттар.
Халыҥ-халыҥ
Хаардарбыт
Сатыы харыйалары
Самнары түһэн тураллар…»
Хоһоонтон быһа тардыы эһиэхэ туох санааны үөскэтэрий?
«Тиҥиргэһэллэр, ынчыктаһаллар, хаахыныыллар» — бу тыллар
суолталарын хоһоон ис номоҕор чугаһатан быһаарыҥ, Күндэ ити
уобарастарынан ааҕааччыларыгар туох санааны тириэрдиэн ба-
ҕарбыта буолуой? Олох балысхан сайдыытын үтүө уонна мөкү
өрүттэрин уруокка кэпсэтиҥ.
Ааҕыы, сэһэргэһии
***
Күүстээхийэ санаабыт
Күтүр улахан
Оҥоһууну
Оҥорон тэрийэн кэбистин!...
Үрдүк үтүө үөрэҕи
Үүннээн-тэһииннээн сылдьаммыт,
157
