Page 182 - Литература 8 кылаас 1 чааhа

ри, кырыаны бүтэримэ. Хайа, бу киһи сотору-сотору наады-
йыа! — диэн, Уулаах, кыайар киһитигэр тойомсуйан, балай эмэ
обургутук саҥарда.

Хабырыыс, арыый көхсө кэҥээн, хаҥас дьиэҕэ тахсан, олоҥ-
хонон саатыы олоробун диэн, саала иһигэр ыскаап кэнни-
гэр ууруллубут саатын ылан, ытыалаһар түгэҥҥэ түбэспэк-
кэ, өстөөхтөрүн илиилэригэр атаҕастабыллаахтык түбэспитин
кэмсинэн саҥарбытын, Уулаах хаста да имнэнэ сатаата уонна,
кулгааҕар сипсийэн, буойан барда.

— Бачча өллө-өлүөххэр диэри туох ааттаах бардам киһи-
гиний? Ытыалаһан буола-буола... Таҥара быыһаатын! Оччоҕо
киһи гыныахтара дуо?

— Оттон билигин киһи гыныахтара дуо?
— Кэбис доҕор, баҕар... Таҥара дьоно ааттаахтар дии. Ха-
йа, үҥэр таҥараны санаа инилэр.
— Таҥара дьоно... Таҥара дьоно тириигин сүлүөхтэрэ. Оч-
чоҕо билиэҥ — таҥара дьоно хайдахтарын.
Дьиэ иһигэр саалаах дьон тыастара бүтүннүү өрө сүгүллэн
турдулар. Онтон: «Дорооболоруҥ, дорооболоруҥ!» — дэһэн
дьахталлар кыараҕас симик куоластара иһилиннэ. Кинилэри
кытта эр дьон дорооболоһор саҥалара иһилиннэ.
— Бэйэ эрэ, кургун мин сүөрүүм. Түмүгэ ханнаный? Ээ, бу
сылдьар эбит.
— Нөдүөһэ, тугу иһиттиҥ?
— Настаа, кэпсээ эрэ!
Бу таһыттан киирбит дьахталлары бары, саба түһэн, сыгын-
ньахтаан уонна кэпсэтэн барбыттарыттан, Доодороп кулуба
ойоҕо Нөдүөһэ хотун уонна Хаппытыан Ачаарап ойоҕо Настаа
хотун кэлбиттэрин Уулаах биллэ, ол кэннэ Хабырыыһын имнэ-
нэн кэбистэ.
— Алдьархайбыт эбит, хотуттар кэллилэр.
— Кинилэрэ да суох алдьархайга түбэһэн сыттахпыт дии.
Дьэ кэллиннэр. Кэлиминэ, ханна барыахтарай?
Хотуттары кытта барыны бары кэпсэтии элбээн барда. Аҕы-
йах хонуктааҕыта бандьыыкка күрээри тэринэн эрэр икки Ачаа-
рап кыһылларга тутуллубуттарын туһунан курутуйуулаах кэпсэ-
тии буолан истэ, ол кэннэ Кыра Хабырыыс тутуллубут үөрүүтэ
уонна онно салгыы Сэмэнчик уонна Улахан Хабырыыс кыһылга
куоппуттарын туһунан хомолто буолла.
— Дьаҕа баһыгар саалаах дьону ыыталаан, Уулааҕы тут-
тарыахха баар! — диэн, Настаа хотун тыл киллэрэн эрдэҕинэ,

182