Page 194 - Литература 8 кылаас 1 чааhа

нигэр тиийбитэ, уола, таҥаһын сыыһын додоччу таҥнан, биир
түөһэйбит кырдьаҕас ыты, моонньуттан быалаан, сиэтэн, тыа
диэки баран эрэрин булан ылбыта.

— Ханна бардыҥ, тоҕо ыты сиэттиҥ? — диэн Уулаах уолу
түҥ-таҥ сахсыйбыта.

— Оттон эһиги мин илиибин, быстаран ылан, бырахтаран
кэбиһээри гынар буолбаккыт дуо? Мин илиибин быстарыам
кэриэтэ кыыл барабын, — диэн уол ытамньыйа-ытамньыйа эп-
питэ.

— Тугуҥ ытай!
— Ыппын эһиэхэ хаалларыам дуо? — уол кииримээри өрө
хатаастыһа сылдьыбыта.
Уулаах, маны саныы-саныы, хараҕын уута эбии саккыраан,
сыттана сытар чомпой бэргэһэтин дэлби сытыппыта...
«Мин, арай өлбөккө, дойдубар эргийэн тахсыым. Оччоҕо
мин хайдах сатаан бассабыык буолуохпунуй? Тугу да билбэ-
тим-көрбөтүм бэрт буоллаҕа. Ээ, чэ, хайдах да баайдары ута-
ры турдахпына сөп. Кыһаннахпына, син үөрэнэн иһиэм... Чэ,
төлөрүйбэт булгу биир санаа. Оҕом кэриэһин толорботохпуна,
бу дойдуга киһи буолан сылдьыбатаҕым ордук», — диэн Уулаах
булгуччулаах биир санааны ылынна.

Ыйытыылар уонна сорудахтар

1. Бандьыыттар өлбүт дьон таҥаһын былдьаһыылара, бэйэ-бэ-
йэлэригэр күөнтэһиилэрэ ааҕааччыга туох санааны үөскэ-
тэрий?

2. Ханнык көстүүлэр бандьыыттар дьиикэй, кыыллыы быһыы-
ларын ордук чаҕылхайдык арыйалларый?

3. Дириҥ аһыы бэлиэлэрин суруйааччы ханнык түгэннэринэн
көрдөрөрүй?

4. Бандьыыттар көнө дьүүллэригэр эрэнэр Уулаах Уйбаан туох-
тан ситимнээн «төлөрүйбэт булгу биир санаа» диэн кытаа-
нах быһаарыныыга тиийдэ?

(IV, V уонна VI главаларга ыстаап тойоно Уулаах Уйбааны
ытарга дьаһайбытын, Доодороп кулуба кулубалар күрэхтэһии-
лэригэр олоҥхолотоору быыһаан ылар, ол «өҥөтүгэр» өлүүттэн
быыһаммыт Уулаах Уйбаан, Хабырыыс өлүгүн тиэйэн, дьиэ-
лиир. Кинини Хабырыыс эһэтэ Миитэрэй оҕонньор, ийэтэ Өлөөнө
эмээхсин аймана көрсөллөр. Киэһэ Настаа хотун уонна Ньа-

194