Page 62 - Литература 8 кылаас 1 чааhа

үтүө үгэстэрин салҕаан, төрөөбүт омугун үөрэхтиир, сырдатар баҕа-
лааҕа бу суруйуутуттан үчүгэйдик көстөр. Бу айымньы ааспыт үйэлэр
усталарыгар тыа сиригэр хаалынньаҥ өй-санаа бүрүүкээн олорбутун
туһунан дьиҥ кырдьыгы этэр диэн чинчийээччилэр бэлиэтээбиттэрэ.
Манна ойууламмыт дьоруойдар билиҥҥи кэмҥэ бааллар дуо эбэтэр
үйэлэрин кытта ааспыттара дуу?

Драма диэн персонажтар кэпсэтиилэринэн ис хоһооно арыллар,
сыанаҕа оонньоон көрдөрөргө анаммыт литература айымньыта аат-
танар. Онон оруолларынан үллэстэн ааҕабыт.

Ааҕыы, сэһэргэһии

Таптал

(Түөрт оонньуулаах драма)

ООННЬУУР ДЬОНО:

Ы с т а п а а н — 40 саастаах.

Ы л д ь а а н а — кини ойоҕо, 45 саастаах.

К э т и р и и с — кини уруута, тулаайах. 18 саастаах, дьүһүнүнэн

үчүгэй кыыс.

Б ү ө т ү р — үөрэхтээх, мааны киһи, 25 саастаах.

К ү л ү к С ү ө д э р — сэргэх, туоҕа да суох киһи, 30 саастаах.

С и с С э м э н э — баай оҕонньор, аҥаар хараҕа суох, дьүһүнү-

нэн куһаҕан, 60 саастаах.

А а н ы с — эстэрээппэ.

Б ы ы б а р ы н а й.

С у р у к с у т.

К и һ и.

1-г ы к ы ы с — 16 саастаах. } Үчүгэй таҥастаах,
2-с к ы ы с — 18 саастаах. Ыстапааннаах ыаллара.
3-с к ы ы с — 16 саастаах.

1-г ы у о л — 8 саастаах. } Кыра дьон оҕолоро.
2-с у о л — 19 саастаах.
3-с у о л — 16 саастаах.

К у һ а ҕ а н у о л — атах сыгынньах, куһаҕан таҥастаах, 14 саастаах.

МАҤНАЙГЫ ООННЬУУТА

Саас. Ыстапаан дьиэтин таһа. Хаҥас диэки балаҕан тас муннуга. Уун-утары
хонуу көстөр, уҥа өттө тыа, оонньуур сирдэригэр — балаҕан оҕуруота.
К э т и р и и с балаҕан таһыгар дүлүҥ үрдүгэр олорон хомус тардар.
Хаҥас диэки, ыраах, оҕолор саҥалара, күлсэллэрэ иһиллэр.

62