Page 82 - Литература 8 кылаас 1 чааhа

тоон баран, аргыый аҕай). Сэмэн Сэмэнэбис, эн үөрэхтээх,
төрүт киһи төрүөҕэ, ытык киһи ыччата буоллаҕыҥ дии! Мин,
хайдах гыннахпына, быйыл уордьаны ылыахпыный? Сүбэлээ
эрэ. (Утары баран олорор.)

С э м э н С э м э н э б и с. Мин санаабар, арай, билигин сэ-
риигэ бааһырбыт дьон туһаларыгар үчүгэйдик сиэртибэлээбит
киһи, уордьаны ыла сыһыа этэ.

К у л у б а. Онно билигин биэрэр харчы миэхэ суох ээ. Сүө-
һүнү туттуоҕу эмиэ харыһыйыллар.

ОНУС КӨСТҮҮТЭ

М а р ы ы н а биир иһит арыгыны тутан киирэн,
хаҥас диэки баран хаалар.

С э м э н С э м э н э б и с (Марыынаны көрөн баран, көх-
сүн этитэр). Эн ол курдук үтүөнү оҥоруоххун баҕарар буол-
лаххына, оттон, бырааба харчытыттан ылан биэрэн көр ээ.
Хойут, харчы көһүннэҕинэ, төлүөҥ буоллаҕа.

К у л у б а. Ол быраабаҕа билигин төһө харчы киирэн турар?
С э м э н С э м э н э б и с. Быйылгы харчылыын, дайыым-
палыын тыһыынчаттан тахса киирэн турар.
К у л у б а (тохтоон баран). Ити харчы билигин суукка кии-
рээри турдаҕа. Хайа, ол тардыллан хааллаҕына — сатанымаарай?
С э м э н С э м э н э б и с. Ол харчы чааһыгар суут да би-
лигин олус тоҕо ыксаатаҕай? Харчы кыайан киирбэт, нэһи-
лиэнньийэ төлүүр күүһэ суох диэн биллэрдэххэ, мин санаабар,
олус ыксатыахтара суоҕа этэ.
К у л у б а (тохтоон баран). Холобурун эттэххэ, онтон тө-
һөтүн сиэртибэлээтэххэ сөп буолуой?
С э м э н С э м э н э б и с. Биэс мөһөөҕү биэрбит киһи, кы-
һыл да көмүс уордьаны ыла сыһыа эбитэ буолуо.
К у л у б а (аргыый аҕай). Дьон биллэхтэринэ, ол сыыһа-
лаах буолаарай? Хайдах дуу?
С э м э н С э м э н э б и с (кыһаммыт киһи быһыытынан).
Ээ, туох диэн эттэҥий? Ол харчыны үтүө суолга тутуннахха
да, олус буруй кэлэр үһүө?!
К у л у б а. Сөпкө эттиҥ! Ол иһин, мин эйигин бэркэ тап-
тыыр этим. Аҕаҥ бокуонньук да үтүө киһи этэ. Марыынаа,
арыгыны аҕал эрэ!

Марыына арыгыны аҕалан, остуолга уурар.

Ити туһугар эн, Сэмэн Сэмэнэбис, кыһанаар эрэ!

82