Page 84 - Литература 8 кылаас 1 чааhа

К у л у б а. Дьэ, үчүгэй! Эн киһи өр гынаахтыаҥ дуо! Хайа,
ааҕан иһитиннэриэҥ дуу?

С э м э н С э м э н э б и с (ааҕар). Его превосходительству
Якутскому Губернатору...

Таһырдьа ыт үрэр. Сэмэн Сэмэнэбис кулуба диэки көрөр.
Кулуба аан диэки көрөр.

ИККИС КӨСТҮҮТЭ.

Таһыттан И и т и э х у о л киирэр.

К у л у б а. Нохоо, ыт тугу үрэр? Ким кэллэ?
И и т и э х у о л. Суох, ким да кэлбэтэ. Ыт бэйэтэ үрэр.
С э м э н С э м э н э б и с (ааҕар). Его превосходительству
Якутскому Губернатору, прошение головы...

Ыт улаханнык үрэр, суруксут тохтуур.

К у л у б а. Туох баҕайыный, доҕор! Бар, нохоо, тахсан көр!
(Уол тахсар.) Киһини сүгүн олордоллоруттан аастылар ээ...

И и т и э х у о л киирэр.

ҮҺҮС КӨСТҮҮТЭ

И и т и э х у о л. Туох да биллибэт. Мээлэ, тыа диэки көрө-
көрө, үрэр. Сибиэни үрэр быһыылаах.

К у л у б а. Баллыгыраама, түксү! Эн үөргүн үрэрэ буолуо,
акаары! Дьэ, аах эрэ, Сэмэн Сэмэнэбис.

ТӨРДҮС КӨСТҮҮТЭ

Таһыттан У т а р ы көтөн түһэр. Итирик быһыылаах.

У т а р ы. Дыраастый, кулуба тойон! (Илиитин биэрэр.) Ды-
раастый, суруксут! (Олорор.) Кулуба, кэпсиэ! Хайдах-туох оло-
роҕут?

К у л у б а. Үчүгэй. Эн кэпсиэ.

Суруксут суруйбута буолар.

У т а р ы. Туох да суох. Арай, куоратчыт тахсан, атахпынан
сурук суруйа сылдьабын. Бу туох дьыалатын оҥордо суруксут?

С э м э н С э м э н э б и с. Ээ, бэйэм, киһиэхэ суруйабын.

Кулуба уот иннигэр баран олорор.

У т а р ы. Хайа, кулуба, кыһыл көмүс мэтээли ылбыт сурах-
тааҕыҥ? Онтукаҥ ханнаный? Хайа, малааһыныҥ, кыра-хара

84