Page 85 - Литература 8 кылаас 1 чааhа
P. 85
дьоҥҥун хаһан аһатаҕын-сиэтэҕин? Мин киһи, ону истэн, аһыы-
сии кээлтим!
К у л у б а (күлбүтэ буолар). Пахай! Малааһына бүппүтэ кы-
раман буолла. Тоҕо урут кэлбэтэххиний, хара баранаак?
У т а р ы. Хара баранаак диигин дуу? Ол туох аатай? Бу,
суруксут, иһит, ити тойон миигин баранааҕынан тоҕо үөҕэр?!
Аһатыаххын-сиэтиэххин билиминэҕин, үөҕэ, аат биэрэ олор-
доҕуҥ! Хайыай, кыһыл көмүс мэтээллэммит киһи, итиччэ буол-
бат буолуоҥ дуо, кыраларгын аанньа ахтыаҥ дуо?!
К у л у б а (күлэр). Киһи оонньообутун аайы кыыһырыма,
доҕор. Аата, итиччэни истэҥҥин, баччааҥҥа тиийдиҥ ини.
У т а р ы. Суох, оннук буолбат. Туох даҕаны бэрээдэги ытык-
тыыры таптыыр баҕайыта!
С э м э н С э м э н э б и с. Баһылай, ити, киһи оонньообутун
аайы өһүргэммэт киһи буолуо! Ити бэйэтэ оонньоон өһүргэм-
митэ буолар. (Күлэр.)
У т а р ы. Итинник буоллаҕына, оонньуу-оонньууга дылы,
элэк-элэккэ дылы! Ол, миигин туох да диэбиттэрин иһин, дьэ,
өһүргэммэт киһибин! Оннооҕор, саха өһүн хоһооно баар: Ку-
каакы кулубалаах, суор суруксуттаах, киргил кинээстээх диэн.
Ол хайдаҕый?
Суруксут айаҕын ата-ата күлэр.
К у л у б а (курус гына түһэр). Түксү, үгүһү баллыгыраама.
Таҕыс, бар, хара түөкүн! (Турар.)
У т а р ы. Бэйи, аргыый киэбир! Эн саҕа кинээс-кулуба баар
ини! Ол кукаакы диэбиттэн туохха өһүргэнэн бардыҥ? Аата,
киһи...
К у л у б а (кыыһырбыт). Маны, акаары, көрөҕүн дуо? (Мэ-
тээлин ыйар.) Миигин кытта хаһан тэҥнэһэн мэккиһээри гы-
наҕын, дураак! Оннооҕор миигин күн ыраахтааҕы ытыгылаан
наҕараада ыытар. Ону көрөҕүн дуо, массыанньык?
У т а р ы (ойон турар). Оо, дьэ, кырдьык, эн сүрдээх киһи-
гин! Ыраахтааҕы билэр киһитэ, манан буолуоҥ дуо?! Сотору
ыспыраанньык дуу, сэтээтэл дуу буолуоҥ буоллаҕа! Ол эрээ-
ри, мин туох иннигэр Утары диэн аатырбыппыный — кырдьыгы
этэн баран өлөөхтүөх киһи буолуом ээ! (Илиитинэн ыйар.) Бу
мэтээли, кыра киһи хара көлөһүнүн сиэҥҥин ылбытыҥ буолбат
дуо?! Билигин, уордьан ылаарыгын, улуус харчытын сиэрти-
бэлээн эрэр буолбаккын дуо? Ону бу суруксут бэрт үчүгэйдик
билэн олордоҕо. Итинник быһыыгын үрдүк тойотторго биллэр-
бит киһи, эн сөбүгэр да буолуоҥ этэ...
85
