Page 96 - Литература 8 кылаас 1 чааhа

К э л э ҕ э й Д ь а а к ы п (ыксыыр). Кулуба тойонуом, ити
төрүт албыннаан этэр. Икки муунта абааһы, сытыйан хаал-
быт табаҕы аҕалан биэртин, мин ылбатаҕым. Сонно төттөрү
бырахпытым, арыыны биэрбитим диэн, ити, төрүт сымыйата!
Хайдах эн сирэйэ суох балыйаҕын?

К у т у р у к у о л. Ити курдук этэр буоллаҕына, арай туоһу
билиэ буоллаҕа. Тыҥырах да Сэмэн билигин тыыннаах, баар.
Ол, кинини ыйыттахха, кырдьыга-сымыйата биллиэҕэ, эн төһө
да өрө балыйдаргын!

К у л у б а. Ол төһө арыыны биэрбиккиний?
К у т у р у к у о л. Дьиҥ чопчу өйдөөмүнэ турабын. Биир
арыы кэриҥин биэртим буолуо.
К э л э ҕ э й Д ь а а к ы п. Көр ити, кулуба, иһит! Тойон, өс-
сө кини төһө арыыны биэрбитин өйдөөбөт?! Ити курдук сирэйэ
суох балыйа турар.
К у т у р у к у о л (кыыһырар). Хайдах эн ордук тылгынан
этиэххин баҕараҕын? Эн, тойонуом, ити тылыгар боротокуол
оҥордоргун үчүгэй буолуо этэ. Куруук ити курдук кини миигин
атаҕастыыр, ыт курдук саныыр...
К э л э ҕ э й Д ь а а к ы п. Хайыай, доҕор, боротокуол оҥор-
торумунаҕын! Ыраас үппүн сиэн бараҥҥын, аны дьыалаҕа тү-
бэһиннэрэриҥ итэҕэс дуо?
К у т у р у к у о л. Эйигин кыыһырыа диэн, кырдьыктаахпын
этиэм суоҕа дуо?
К у л у б а. Мин эһигини солуута суох саҥарсымаҥ диибин
ээ! Хайдах буолбут дьоҥҥутуй? Урут кинээскэ үҥсүбүккүт дуо?
К у т у р у к у о л. Кинээскэ үҥэ илик этэ...
К у л у б а. Оччоҕо кинээскэ баран үҥсүҥ. Ол кэриэтин, ки-
нээс кыайан быһаарбатаҕына, миэхэ хат кэлээриҥ. (Турар.)
К у т у р у к у о л. Баҕардар, кинээс да буоллун. (Тахсар.)
К э л э ҕ э й Д ь а а к ы п. Тойонуом, эн бэйэҥ дьүүллээ-
тэргин үчүгэй буолуо этэ. Ол, кинээс, төрүт аанньа ахтан, бы-
һааран, миэхэ иэспин бэрдэрэрэ суох. Ыраас үбүм сиргэ хаа-
лара миэхэ кыһыылаах. Онон, тойонуом, эн бэрдэрдэргин сөп
буолуо этэ. Кырдьыга, мин...
К у л у б а. Кинээскэ баран тыллаа, доҕор. Итинник кыра
суолу нэһилиэк кинээһэ дьүүллүүр баҕайыта. Солуута суоҕунан
кэлэн, киһини майаачылыы сылдьаҕыт!
К э л э ҕ э й Д ь а а к ы п. Тойонуом, инньэ диэн баара дуо?!
Ыраас үбүм хааларыгар тиийдэ! Ол кинээс көнөтүк көрөрө
диэн аата суох. Сатахха, Кутурук уол уруута эбээ...

96