Page 114 - Литература 8 кылаас 2 чааhа

— Маамаҕар миигиттэн кэһии, — диир.
Аккаастанар туһата суоҕун өйдөөн — син биир ылыныа суо-
ҕа диэн — бу сырыыга аккаастана да барбатым. Дьиэлээн
иһэн, уулусса муннугар Коляны көрүстүм. Дэҥҥэ түбэһэ түспүт
курдук туттар да, арааһа, миигин күүппүт быһыылаах. Практи-
катын кэпсиир.
— Аҕал, суумкаҕын тутуум, — диэтэ Коля. Мин биэрдим.
— Тыый, тугун ыараханай? Бачча ыарахан тугуй?
— Бэйэм да билбэтим. Ас ини...
— Бэйэҥ суумкаҕар туох баарын хайдах билбэккин?
— Билбэппин — онон бүтэр. Эн онно туох наадаҥ баарый?
Коля саҥарбата. Мин холустук тылласпыппын кэмсинэ са-
наатым.
— Коля, мин кырдьык билбэппин ээ. Анна Андреевна укпута.
— Ол кини эн туохха наадыйаргын хантан билэн угар?
— Бил... билбэппин...
— Билбэт эрээри харчытын хайдах төлөөтүҥ?
— Мин харчы... төлөөбөтүм.
— Тоҕо?
— Мин атыыласпатах буоллаҕым дии. Уонна хайдах харчы
төлүөхпүнүй?
— Атыыласпаккаҕын... хайдах ылаҕын?
— Анна Андреевна биэрдэ диибин буолбат дуо?
— Ол кини тоҕо биэрэр?
— «Маамаҕар кэһии» диэн... Коля, түксү! Эн миигин силиэс-
тийэлээри гынаҕын дуу, тугуй?!
— Мин санаабар, Анна Андреевна эйиэхэ маҕаһыын киэнин
уоран биэрбит, — диэтэ Коля, саҥата суох буугунуу испэхтээн
баран. — Уоран!
— Коля!!
— Маҕаһыынтан атыылаһан эрэ ылыахха сөп. Онтон атына
барыта — уоруу...
— Оччоҕо... мин уоруйахпын дуу?!
— Уопсайынан этэбин.
— «Уопсайынан!» Ол «уопсайга» мин киирсэр буоллаҕым
дии? Баһыыба...
Mин, суумкабын сулбу тардан ылаат, тротуарынан сүүрдүм.
Коля, эккирэтэн кэлэн илиибиттэн харбаата:
— Наташа! Иһит эрэ...
— Истибэппин! Истиэхпин баҕарбаппын!
Мин уол илиитин төлө садьыйдым, сүүрбүппүн кубулуппа-
тым. Коля онно туран хаалла.

114