Page 117 - Литература 8 кылаас 2 чааhа

— Наташа, чэ, бар, маҕаһыыҥҥын ас. Хойутаатахха — ай-
даарыахтара.

Онуоха мин эппитим:
— Анна Андреевна, эппит сыанатын алҕаһаабыппыт ээ...
— Тугу-тугу лахсыйаҕын? — дьахтарым өрө көрө түспүтэ. —
Ханнык эти?
Мин Анна Андреевна соһуйан тилигирэйэ, алҕаһаабытыттан
аймана түһүөҕэ диэн күүтэн туран, мух-мах барбытым.
— Ол сүүс сэттэ уоннуулааҕын эн хантан биллиҥ? Ким ин-
ньэ диэн эттэ?
— Мин ... бэйэм ... көрдүм ... фактураҕа...
— Ол-бу атын сыыппараны көрө-көрө, лахсыйа сылдьыбат
буол. Уонна көҥүлэ суох кумааҕыны хаһыспат буол. Өйдөөтүҥ
дуо?
Анна Андреевна үөһэ сытар паапкалаах кумааҕыны остуол
дьааһыгар уган хатаан халыгыратта.
— Тоҕо тураҕыный? Бар, маҕаһыыҥҥын ас!
Анна Андреевна тиэтэйэ-саарайа атыылаан барда. Хас көр-
дөҕүм ахсын кини сирэйэ мин харахпар ордук дьүдьэйэн көс-
төн истэ. Ыйыллан түһэн, дьэ, сирэй! Саатар, биирдэ эмэтэ
мичик гыннаҕа дуу. Урут хайдах миэхэ кырасыабай курдук
көстүбүт бэйэтэй! Кини эт сыанатын «алҕаһаабатаҕын», сору-
йан үрдэтэн атыылыырын мин улам бигэтик итэҕэйэн бардым.
Били аламаҕай харахтаах, мичиҥнэс бэйэлээх кэрэ Анна Ан-
дреевнам итинник түктэритик быһыыланыан сатаммат буол-
лаҕына, ити өһөхтөөх харахтаах, кырыылаах сирэйдээх, хаҕыс
көрүҥнээх Анна Андреевна ханнык баҕарар хараҥа дьыаланы
оҥоруон сөп.
Онтон доҕоор!.. Онтон, маҕаһыыны сабааппытын кытта,
Анна Андреевнам эмиэ адьас уларыйа оҕуста, — били урук-
ку эйэҕэс, кырасыабай Анна Андреевна буолан хаалла. Анна
Андреевна эмискэ тохтуу биэрдэ, муннукка уурбут суумкатын
сулбу тардан ылла.
— Наташа, хараххын быһа симп эрэ! Мин тугу эрэ көрдө-
рүөм.
Мин өс киирбэх харахпын быһа симним.
— Көр!
Анна Андреевна кустук курдук араас нарын өҥнөөх ойуу-
лардаах сиэрис куоптаны иннибэр тэниччи тутан турар эбит.
— Үчүгэй дуо?
— Үчүгэй... — сибигинэйбиппин кулгааҕым эрэ истэн хаал-
ла. Ол эрээри үчүгэйи үчүгэй диэминэбин. Итинник куоптаны

117