Page 157 - Литература 8 кылаас 2 чааhа

Ыйытыылар уонна сорудахтар

1. Сэһэн сюжета сайдарыгар олоҕуран, Федя Давыдов уоба-
раһын оҥоруҥ:
— оҕо сааһа, төрөппүттэрэ;
— майгыта-сигилитэ;
— олоххо, дьоҥҥо сыһыана.

2. «Эн алкоголик буолбатаххын ээ, тоҕо күн аайы иһэҕин,
туттунуоххун», — диэн Гелена ис сүрэҕиттэн эппитэ
Федяҕа ханнык эрэ инникигэ эрэл кыымын умаппыта».
Хайдах киһи инникигэ эрэлин сүтэрбэтий?

3. Сэһэн дьоруойдарыттан талаҥҥыт, кини туһунан сиһилии
кэпсээҥ (холобура, «Хамсеев», «Капитолина уонна Гелена»,
«Элиэнэп» уо.д.а.). Тоҕо бу дьоруойу талбыккытын быһаарыҥ.

4. Ааптар Элиэнэп ордук ханнык өрүттэрин бэлиэтээн этэрий?
5. Бу айымньы дэтэктиип жанрыгар чугаһын дакаастыыр кэр-

чиктэри холобурдааҥ.

Анаан дьүүллэһии

«Кырдьыгы этии киһи олоҕор дьайыыта, чугас киһи таҥнарыы-
та, олох дьиҥин кистээһин» тиэмэҕэ аахпыт айымньыларгытыгар,
олохтон билбиккитигэр-көрбүккүтүгэр тирэҕирэн кэпсэтиҥ.

· Иитиэх оҕо буоларын туһунан кырдьыгы эмискэ билбит
киһи хайдах турукка киирэрэ буолуой?

· Кырачаан Федя олох кырдьыгын кытта эйэлэстэ дуо? Тоҕо?
· Бу айымньыга таҥнарыы баар дуо? Ким кими таҥнарда

дии санаатыгыт?

Тыыннаах тыл

Сэһэн «Сиргэ ханнык да кир-хах суох буолуо, аан дойдуга өҥ-
быйаҥ эрэ кэлиэ дэһэрдии, аата-ахса биллибэт хаар кыырпахтара
эргичиҥнэһэ, тэлээриҥнэһэ, өндөл халлаан уорҕатыттан бурулла-бу-
дулла, кыыдамнаһан түһэллэр» диэн тылларынан түмүктэнэр. Айым-
ньы түгэх сыалын ситистэ дуо?

157