Page 171 - Литература 8 кылаас 2 чааhа
P. 171
33
Киэһэ эмиэ сатыы анньан дьиэтигэр кэлбитэ, ааҥҥа ку-
мааҕы кыбыллан турара. Онно: «Маша, аҕаҥ ыыппыт малла-
рын бу аадырыстан тахсан ыл», — диэн бэркэ билэр буочара
сэргэстэһэ турар дьиэ онус кыбартыыратын ыйбыт этэ.
Куораты булуоҕуттан аҕатыттан тугу да тутан көрбөтөх кыыс-
ка бу илдьит үтүөҕэ эрэл кыымын кыламнаппыта. Итиччэни
истэн баран, хатыылаах ааны манаан туруо дуо, этиллибит
аадырыһыгар тахсыбыта, хаһаайка баара. Аан аттыгар хор-
туоппуйдаах кууллар өйөннөрүллүбүттэр этэ. Сып-сылаас, ыраас
дьиэ хаһаайката били быһайын сугуннуу диэн Бараахаптарга
тахсыспыт эмээхсин этэ. Газ оһоҕор уурбут чаанньыга оргу-
йан, хаппаҕын өрө көтөҕөлөөбүтүгэр сыыдам үлүгэрдик ти-
ийэн араарбыта. ПК-лар массыыналарын уларсан, оскуола
наадатыгар учууталлар киирэ сылдьыбыттарын, күтүөтэ Болот
Андреевич икки куул хортуоппуйу ыыппытын, күөх тэрэпиискэ
баайыылаах улахан куул киниэнэ буоларын ыйбыта.
Ити киэһэ Машаҕа өтөрүнэн буолбатах үтүө күн үүммүтэ.
Аҕата хортуоппуй, икки куобах, харчы сыыһа ыыппыт этэ. Урут
тоҥо-тоҥо кыстаабыт, синтепона чарааһаан, антах-бэттэх хал-
барыйан хаалбыт эргэ кууркатын кичэллээхтик суулаан ыыппыт.
Суруйбут суруга бэрт кылгас. Кэминэн олороллорун, урукку
үлэтигэр сылдьарын, Сэмэнчик үөрэх кэнниттэн тустуу сек-
циятыгар дьарыктанан эрэрин, оттук мастара инчэҕэйэ эрэй-
диирин суруйбут этэ.
Олоҕор туруоруммут соруга, иэҕэҥнээн ыла-ыла, сап саҕат-
тан иҥнэн эмиэ салгыы үөрэнэр күннэри тосхойбута.
53
— Мааһыҥка-а, ити буоллаҕына, ити ... аҕабыт туохтаах, ну,
табаарыстаах, — Сэмэнчик бу баран билэн кэлбит кистэлэҥин
оргууй сипсийэн эппитэ.
Хабырыыстаах Туонньа, тыа ыалын сиэринэн, тута сүөһү тэ-
ринэр толкуйдаммыттара. Сыл аайы сурдьугар кыс таһаарта-
рар бороонноох ынаҕын дьахтар бэйэтэ ылан, эһиилги сылга
иэс диэн от бэриһиннэрэргэ кэпсэппитэ.
Куобах күрэҕэр, муҥхаҕа сырыттаҕына, урут Хабырыыс ыһы-
гар туга кэлээхтиэй, үрүсээгэр толугуруу сылдьар аҥаардас
килиэп үтэлээҕин дьон көрбөтүгэр кыттыгас аска уура охсон
кэбиһээччи. Билигин барбах киэҥ айахтаах тиэрмэстэн ип-
171
