Page 35 - Литература 8 кылаас 2 чааhа

биһикки бу маннык күчүмэҕэй күннэргэ дьиҥ чахчы өйдөһөр-
бүтүн, санаабыт биирин көрдөрүөхтээхпит. Билиҥҥи бириэ-
мэҕэ бар дьон санаата иирдэ. Большевиктар баһылаатылар.
Саха омугун үтүөтүн, баайдары, сир сирэйиттэн сотуохтарын
баҕараллар. Олох быһыты тоҕо охсубут көмүөлгэ маарынныыр
буолла. Коля, бу долгун эйигин саба охсон, миигиттэн арааран
кэбиһиэ диэн куттанабын.

Н и к о л а й. Кэбис, Егор Егорович, эн мин туспар кутта-
ныма. Мин биллибэккэ сырыттахпына, эмиэ туох тыыттаҕай.

Е г о р Е г о р о в и ч. Бу киһи кэпсээнин. Өйдөө эрэ, мин
кимминий? Мин бу былаас хараҕар улахан куһаҕан киһибин.
Миигин большевиктар хааннаах ыт курдук көрөллөр, хардыы-
бын кэтэһэллэр. Оттон эн кимҥиний? Эн мин уолум, кутум-
сүрүм буолаҕын. Аҥаардас сити суол, билиҥҥи кэмҥэ эн
олоххор, дьылҕаҕар улахан кутталы үөскэтэр.

Н и к о л а й. Дьэ онон мин хайыахпын сөбүй?
Е г о р Е г о р о в и ч. Коля, эн бу кэмҥэ миигин кытта
бииргэ сырыттаххына сатанар.
Н и к о л а й. Тыый, Егор Егорович, эн миигин тыаҕа таһаа-
раары гынаҕын дуо? Эмискэччитэ бэрт. Тыаҕа тахсар санаа
суох этэ.
Е г о р Е г о р о в и ч. Коля, туох-туох диигин? Эн хайаан
даҕаны тыаҕа тахсыах тустааххын. Мин эйигин манна хаалла-
рарым, мин эйигинэ суох тахсарым сатаммат. Эн санаан көр,
Коля, мин тоҕо бачча сыл эйигин иитэн эрэйдэммиппиний.
Кыһалҕалаах күчүмэҕэй күҥҥэр эйигин соҕотохтуу хаалла-
раары дуо? Суох. Эн миигин кытта хайаан даҕаны тахсыһыах
тустааххын. Мин тылбын ылыныах тустааххын. Мин эйиэхэ ку-
һаҕан буоллун диэн этэр үһүбүн дуо?
Н и к о л а й (тохтуу түһэн баран). Эн тылгыттан тахсыам
дуо, Егор Егорович.
Е г о р Е г о р о в и ч. Дьэ ити киһи тыла, Коля. (Аргы иһэр).
Өйдөө. Илин диэки тэриллибит үрүҥ сэриитин охсуһуутун
кытта эн биһикки инники олохпут быһаччы сибээстээх. Уон-
на маны өйдөө. (Ол-бу диэки көрөр.) Илин диэки хамсааһын
улахан силистээх-төрүттээх. Биллэр саха үөрэхтээхтэрэ япо-
нецтары уонна американецтары кытта кэпсэтиһэ илин Япо-
нияҕа түһэн тураллар. «Арай-Гуми» диэн Япония фирмата,
«Олаф Свенсон» уонна «Гудзон-Бей» диэн Америка фирмала-
ра сэбинэн-сэбиргэлинэн, байыаннай тэриллэринэн көмөлө-
һүөх буолбуттар. Итиэннэ бу сэриини ыраахтааҕы офицердара

35