Page 37 - Литература 8 кылаас 2 чааhа

М и х а и л (олорор). Олоруубут үчүгэй, ийэм үчүгэйдик
сылдьар. Тоҕо биһиэхэ сылдьыбат буоллуҥ?

Н и к о л а й. Бу күннэргэ хайдах эрэ солом суох. (Табах
тардар.) Хата, эн сылдьыбат бэйэҥ, бу туох буолан буржуй
убайгар кэллиҥ?

М и х а и л. Кэлиэм суоҕа этэ да, ийэм тылын быһа гым-
макка кэллим.

Н и к о л а й (ыстанан турар). «Кэлиэм суоҕа этэ да»... Ол
тоҕо миигиттэн сиргэнэҕин, ол тоҕо кэлбэккин? Арба даҕаны,
комсомолец буолбут киһи, партията суох киһиэхэ сылдьыаҥ
дуо...

М и х а и л. Мин комсомолга киирбитим эйиэхэ туох буо-
луой.

Н и к о л а й. Хайдах итинник этэҕин, төһө да атын киһиэхэ
иитилиннэрбин, эн төрөөбүт убайыҥ буолбаппын дуо?

М и х а и л. Мин комсомолец буолбуппун сөбүлээбэккин
дии, бадаҕа. Иһит эрэ: оттон мин комсомолец буолбуппунан
киэн туттабын. Ити миэхэ, мин курдук сүүһүнэн, тыыһынчанан
дьадаҥы ыччаттарга суос-соҕотох кырдьыктаах, кэскиллээх
суол. Ким даҕаны, туох даҕаны миигин ити суолтан хаһан да
туоратыа суоҕа!

Н и к о л а й (төттөрү-таары хаамар). Оок-сиэ, Мэхээс, өй-
дүүгүн дуо, оҕо эрдэхпитинэ үчүгэйдии да этибит, билигин
туора дьоннор курдукпут.

М и х а и л. Эн билигин да биһиги кэккэбитигэр төннүөххүн
сөп. Баай Егор Егоровичкыттан араҕыс.

Н и к о л а й. Араҕыс даа? Хайдах бас-баттах, ыл да араҕыс!
Кини миэхэ туох да куһаҕаны оҥоро илик. Егор Егорович эйи-
гин тугу гынна? Тоҕо эн кинини абааһы көрөҕүн?

М и х а и л. Туох иһин мин кинини таптыахтаахпыный?
Н и к о л а й. Урууҥ.
М и х а и л. Кини улуу баай, оттон мин хамначчыт уолабын.
Баай киһи дьадаҥыны уруурҕаабат.
Н и к о л а й. Егор Егорович — саха биир бастыҥ интелли-
генэ, кинини норуот ытыктыыр!
М и х а и л. Ханнык норуот? Ол норуот диэн эн кими аат-
тыыгын?
Н и к о л а й. Хайдах «ханнык норуот?» Биһиги! Биһиги: саха
интеллигенцията уонна кини үүнэн иһэр ыччаттара, холобура,
мин да буолуум, Дмитриев, Катя, Семёнов уонна да атыттар.
Уонна ким буолуой?

37