Page 40 - Литература 8 кылаас 2 чааhа
P. 40
буолар эбит. Ити хаарыан доҕотторбутун да өлөртөөн, эһи-
ги, баайдар, син биир өрүһүнүөххүт суоҕа, өлөр-сүтэр анал-
гытыттан куотуоххут суоҕа! (Саҥата суох хаамар.) Тыыннаах,
көҥүл-босхо сылдьар үчүгэй да эбит... Ийэбин кытта кэпсэ-
тэ-кэпсэтэ, үөрэ-көтө, үлэлии сылдьарым, Михаил Иванович
Бадиҥҥа үөрэнэрим, үлэлиирим үчүгэй да эбит. Доҕотторбун
кытта бииргэ ыллыы-туойа, кэпсэтэ, күлэ-сала сылдьарым бу
турар... Дуням... Ама Дунябын аны көрүөм суоҕа дуо? Суох...
(Тохтуур.) Миигин бандьыыттар, сүөһү курдук, өлөрөр сирдэ-
ригэр үүрэн илдьиэхтэрэ, букатын илиилэрэ хамсаабакка эрэ,
бу тэбэ турар сүрэхпин ытыахтара... Оччоҕо... Суох! Бу да буо-
ла сыттарбыт, коммунизм иннигэр мөккүһэн, өлөрсөн баран
өлүөхпүт! Биһиги өрөгөйдөөх үрдүк идеябытын кыайыахтара
суоҕа!
Таһырдьаттан харабыл хоһугар Н и к о л а й киирэр.
Н и к о л а й (харабылга). Манна Мэхээс Уйбаныабы таһаа-
рыҥ!
Х а р а б ы л (хаайыы аанын аһан туран). Мэхээс Уйбаныап,
таҕыс манна!
М и х а и л (бэйэтигэр). Бэлиэр дуу? Ээ, чэ! (Тахсар.)
Н и к о л а й (харабылларга). Барыҥ, эһиги таһырдьа хара-
быллаан эриҥ! Наада буоллаҕына, мин ыҥырыам.
Х а р а б ы л л а р тахсаллар.
Мэхээс!..
М и х а и л. Эн тоҕо манна кэллиҥ? (Николай саҥарбат.) Эн
тоҕо манна кэллиҥ диибин эбээт?!
Н и к о л а й. Мин эйиэхэ... (өрө тыынар.) Эйигин көрө кэллим!
М и х а и л (бытааннык). «Эйигин көрө кэллим»... Көр! (Ни-
колайга утары хааман кэлэр.) Көр! Баарбын, аны биир-икки
чааһынан суох буолуом, аны миигин көрүөҥ суоҕа. Эн доҕотто-
руҥ бу тэбэ турар сүрэхпин тэппэт оҥоруохтара, мин билигин
өлүөм...
Н и к о л а й. Бээ, бээ, Миша, уоскуй, мин эйиэхэ таах кэл-
бэтим, наадалаахпын...
М и х а и л. «Наадалаахпын» даа? Ол өлөн эрэр киһиэхэ
туох нааадалааххыный? (Толкуйдуур.) Бэйэ, кырдьык наада-
лаах эбиккин... Эн, тыыннаах хаалар киһи, ийэбэр, төрөөбүт
ийэбэр бу айылаах буола сытарбын кэпсээр: уолуҥ үрдүк са-
наа иннигэр кытаанахтык туттан өллө диэн. Эс, ол эрээри эн
ону кыайан этиэҥ суоҕа, эн сатаан, кыайан этиэҥ суоҕа, эн,
40
