Page 44 - Литература 8 кылаас 2 чааhа

Тыыннаах тыл

Арай Варвараҕа уолаттарыгар сурук суруйар кыах биэрбиттэрэ
буоллар, кимиэхэ, туох диэн суруйуо этэй? Ийэ аатыттан ини-бии-
лэртэн биирдэстэригэр сурукта суруйан холонуҥ.

Өйдөө, болҕой

Драма — уус-уран литература биир көрүҥэ, оонньуур дьон кэпсэ-
тиилэриттэн турар, сыанаҕа көрдөрөргө анаан суруллар айымньы.

ЛИТЕРАТУРАЛАР АЛТЫҺЫЫЛАРА

Михаил Шолохов «Чуумпу Дон» айымньытын дьоруойдарын
кытта тэҥнээн көрүҥ, айымньыларга көстөр ыалы аймаабыт
Гражданскай сэрии иэдээнин ырытыҥ.

Билиэн-көрүөн баҕалаахтарга

Гражданскай сэрии силлиэтин ортотугар икки утарыта турбут күүс
— ини-бии Мэхээлэ уонна Ньукуус Ивановтар дьылҕалара хайа киһи-
ни долгутуо суоҕай? Ордук Ньукуус уобараһыттан киһи хараастар,
долгуйар. Төһөлөөх кини курдук эдэркээн саха үөрэхтээх ыччата ити
кэмҥэ муммута-тэммитэ, уот-буулдьа ортотугар охтубута, иннин-кэн-
нин быһаарыммакка кэрэгэй дьылҕаламмыта буолуой?

Мэхээс уонна Ньукуус охсуһууларын тула драма сюжета сайдар.
Айымньыга ойууланар быһылаан киһини умсугутар, биир тыынынан
ааҕыллар. Ол курдук, бииртэн биир хартыына уларыйан, икки сүрүн
дьоруой тула айымньы сюжета тэтимнээхтик сайдар.

Кинигэҕэ айымньы бүтүннүү киирбэтэ. Ол кыаллыбат. Бу ойуула-
нар быһылааннар иннинэ туох буолбутай? Аҕалара эрдэ өлөн, икки
уол оҕо ийэлэригэр Балбаараҕа хаалаллар. Оҕолорун иккиэннэрин
улаатыннарар кыаҕа суоҕуттан, Балбаара улахан уолун Ньукууһу ыраа-
ҕынан аймахтарыгар, бэрт ааттаах-суоллаах улуус кулубата киһиэхэ
ииттэрэ биэрэргэ күһэллэр. Ол бэйэлээх «…Төрөппүт да оҕолорун
ити курдук иитэллэрэ эбитэ дуу, суоҕа дуу» диэн өҥө туттар. Оттон
Мэхээс ийэтигэр иитиллэн киһи-хара буолар. Дьылҕа Хаан ыйааҕы-
нан биир ийэттэн, аҕаттан төрөөбүт уолаттары туох кэтэһэрий?

Дьиҥ олох чахчытыгар олоҕуран суруйуу — бу литератураҕа сэ-

44