Page 59 - Литература 8 кылаас 2 чааhа
P. 59
сирин композитордара, мелодистара ырыа айбыттара уостан түспэк-
кэ күн бүгүн ылланаллар».
О.Е. Сыромятникова
Иван Федосеев — Доосо «Туундара» диэн ырыата аан дойду ис-
тэр кулгааҕын эргиччи сэргэҕэлэппит, кэрэхсэппит. Бу ырыаны Арас-
сыыйа Бэдэрээссийэтин уонна Удмуртия норуодунай артыыската
Маргарита Суворова бэйэтин репертуарыгар киллэрэн, Аан дойду
үгүс судаарыстыбаларын үрдүк сыаналарыгар, Москубаҕа Ыччаттар
уонна устудьуоннар аан дойдутааҕы 12-с бэстибээллэригэр, «Үтүө
дьулуур» оонньууларыгар иэйиилээхтик толортообута.
Туундара, туундара …
Мин тулам тумара,
Эргиччи маҥан хаар,
Эҥсиллэр киэҥ куйаар.
Саха композитора Денис Данилов Доосо «Сардаана» диэн уһулуччу
уран тыллаах хоһоонугар мелодия суруйбута. Бу ырыаны Саха Өрөс-
пүүбүлүкэтин норуодунай, Арассыыйа Бэдэрээссийэтин үтүөлээх ар-
тыыската Альбина Борисова Америка Холбоһуктаах Штаттарын үгүс
куораттарыгар, ХНТ штаб-квартиратыгар ыллаан дьиэрэппитэ.
МОИСЕЙ ДМИТРИЕВИЧ ЕФИМОВ
Саха норуодунай бэйиэтэ
(1927—2010)
ОЛОҔУМ КЭПСЭЭНЭ
Мин балтараалаахпар эбэм эмээх-
син миигин аан маҥнай өрүс биэрэгэр
киллэрбитэ. Оччолорго аан дойду ула-
ханын, халлаан үрдүгүн, айылҕа күүһүн
сөхпүппүн өйдүүбүн. Ол өйдөбүл олус
сытыытык мин оҕотук дууһабар иҥэн
хаалбыт: ардыгар билигин даҕаны са-
наан кэллэхпинэ долгуйабын. Төрөөбүт
дойдум, Дьааҥы, тыйыс тымныытынан
буолбакка, чаҕылхай уоттаах сылаас
күнүнэн, истиҥ иһирэх дьонунан мин
сүрэхпэр уйаламмыт. Мин Дьааҥы
Бэбэйигэр баар Дулҕалаах диэн кы-
59
