Page 64 - Литература 8 кылаас 2 чааhа

ни Киhи үйэтэ дииллэр. Ол аата киhиэхэ, кини уйулҕатыгар,
өйүгэр-санаатыгар болҕомтону уурар кэммит тирээн кэллэ.
Билигин араас информационнай технологиялар кэмнэригэр
уопсастыба олоҕор уларыйыылар тахсаллар. Дойду устуору-
йатын, олорон ааспыт олоҕун сыаналыырга, кэлэр кэскилин
түстүүргэ өй-санаа атын таһымҥа тахсыахтааҕа ирдэнэр.

Билиигэ өрүү тардыстыылаах киһи эрэ олох ыарахаттарыт-
тан чаҕыйбат тулуурдаах, олох туhугар охсуhар дьулуурдаах,
көҥүл өйдөөх, бөҕө туруктаах буолар. Бэйэтэ билэн-көрөн,
ырытан-оҥорон, айан-тутан тахсыбыт киhи көҥүл санааланар,
бэйэтин суолун солонор кыахтанар. Олох хаамыытыттан хаал-
сыбакка үлэлээн, сайдан иһэр.

Киһи аймах өркөн өйүн кылаанынан буолбут уус-уран ты-
лынан айыы киһи өйө-санаата, быһыыта-майгыта уһаарыллыы-
тыгар улахан суолталааҕа биллэр. Икки атахтаах өйүн өрөгө-
йүнэн, уран тылынан уһаарбыта симэлийэн хаалбакка, кэлэр
кэнчээри ыччатын үтүөнү, үйэлээҕи айарга ыҥырар, угуйар.
Олох уустуктарыттан чаҕыйбат, олоҕу кытта дьүөрэлэhэр,
олоххо бэйэ миэстэтин булунар, олоҕу уларытар кыахтаах ки-
hи буоларга үөрэтэр.

ГАВРИИЛ СПИРИДОНОВИЧ УГАРОВ — УГААЛААХ
Биологическай наука дуоктара, бэрэпиэссэр
(1940 с.)

Саха Эһээ дьыла — Гавриил Спири-
донович Угаров, биллииллээх суру-
йааччы, учуонай, саха норуотун биир
чулуу киһитэ. Кини төрөппүттэрэ үөрэ-
ҕэ суох этилэр. Ол гынан баран ийэтэ,
Анна Петровна, саха баай-талым тылын
үчүгэйдик билэрэ, оҕолоругар кыра
эрдэхтэринэ киэһэ аайы остуоруйала-
ан утутара. Аҕата, Спиридон Ивано-
вич, остуоруйаны, олоҥхону сөбүлүүрэ.
Ыалдьыт кэллэҕинэ, ол түүнү түүннээн
олоҥхолотон, остуоруйалатан хонол-
лоро. (Угаалаах фантаст суруйааччы
буолбута түбэспиччэ буолбатах эбит).
Эдьиийэ Настя, үөрэнэ сылдьан, элбэх сахалыы кинигэни бу-
лан аҕалан, киэһэ аайы барыларын мунньан олорон, ааҕан иһи-

64