Page 60 - Литература 8 кылаас 2 чааhа

ракый сэлиэнньэҕэ төрөөбүтүм. Ийэм этэринэн, Ылдьыын күн
үһү.

Олох кыра эрдэхпиттэн хоһоонунан толкуйдуур, рифманы
эридьиэстиир этим. Оскуолам олоҕун, бэйиэт буолар истиҥ
баҕа санаам туһунан маҥнайгы хоһоонум, үһүс кылааска үөрэ-
нэ сырыттахпына, «Эдэр коммунист» хаһыакка бэчээттэммитэ.
Бэчээт күнүгэр эрэдээксийэттэн Махтал суругу уонна олоҥ-
холоох кинигэни туппутум. Бу күнтэн ыла хоһоон айар баҕа
санаам өссө күүһүрбүтэ.

Бэһискэ үөрэнэ сырыттахпына, Пётр Афанасьевич Петров
нуучча тылын, литературатын учууталынан үлэлии кэлбитэ. Ки-
ниттэн аан маҥнай хоһоон тутулун, айар үлэ ымпыгын-чымпы-
гын, кистэлэҥин билбитим. Алтыс кылааска Георгий Михай-
лович Гоголев аан дойду классическай литературатын кытта
билиһиннэрбитэ. Нуучча улуу суруйааччыларын айымньыла-
рын ааҕар этибит. Кэлин Дьокуускайдааҕы педагогическай
үнүстүүккэ Семён Даниловка уонна Николай Заболоцкайга
үөрэммит дьоллоохпун. Мин айар дьоҕурум сайдарыгар, лии-
чинэс быһыытынан иитиллэн тахсарбар бу улуу дьон көмөлөрө
сүүнэ.

Устудьуоннуу сылдьан, табаарыс кыыспар анаабыт «Өрүү-
нэ» диэн хоһооммунан литературнай куонкуруска кыттаммын,
бириэмийэҕэ тиксибитим. Биллэр бэйиэт Пантелеймон Тулаа-
һынап сыаналыыр бөлөх бэрэссэдээтэлэ этэ. Кэнники Хрис-
тофор Максимов мелодия суруйан, бу хоһоон уостан түспэт
ырыа буолбута. 1957 сыллаахха, төрөөбүт Дьааҥыбар үлэлии
сырыттахпына, ССРС Суруйааччыларын сойууһугар киирбитим
туһунан үөрүүлээх сонуну туппутум.

Сылдьарым тухары хоһоон суруйабын. Бүгүҥҥү күҥҥэ саха,
нуучча тылынан бэчээттэммит 48 хомуурунньуктаахпын. Со-
роҕо атын омук тылыгар тылбаастаммыттара. 1984 сылтан
Саха сирин Суруйааччыларын сойууһун салайабын.

Ыйытыылар уонна сорудахтар

1. Кыра оҕо ийэ айыҕатын, төрөөбүт дойдутун, дьонун-сэргэтин
туһунан маҥнайгы өйдөбүлүн ырытыҥ. Бу көстүү уол оҕоҕо
киһи быһыытынан сайдарыгар, олоҕун суолун таба тайана-
рыгар хайдах сабыдыаллаабыта буолуой?

2. Аҕа дьон, тулалыыр эйгэ сүбэлэрэ, көмөлөрө киһиэхэ ыллык-
таах толкуй, өй-санаа уһуктарыгар суолталаах дуо?

60