Page 92 - Литература 8 кылаас 2 чааhа
P. 92
ҕым. Атын сир диэки бастаннахпына, аанньа утуйбат, дэлби
илистэн турар этим.
Кистээбэккэ эттэххэ, Чагда оҕонньор сэһэнэ Ньургун Нико-
лаевиһы норуот айымньытын эрэ быһыытынан сэргэҕэлэттэ.
Уһун үйэлэниини кытта Хотугу Сулус туох сибээстээх буолуоҕун
толкуйдаан көрдө да, тобулбата. Кини саха норуотун тылынан
уус-уран айымньытыгар куобах тоҕо кутуруга суох буолбутун,
буҕарҕана, кыайан көппөт аата, хайдах Саха сиригэр кэлэ-
рин, чооруос тоҕо кыһыл түөстэммитин, күтэр хороонугар саас
тоҕо уу киирэрин, онтон да атын түбэлтэлэри быһаарар элбэх
ахсааннаах кэпсээннэр, остуоруйалар баалларын өйдөөн кэл-
лэ. Бу да сырыыга Хотугу Сулус тоҕо биир сиргэ турарын,
тоҕо атын сулустар кинини тула эргийэллэрин быһаараары,
таарыйа түбэлтэтигэр Долбор — Хоту диэн ааттаах аҕаларын
ууһун арбанаары айбыт номохторо буолуо диэн түмүккэ кэл-
лэ. Биллэн турар, кини ити туһунан Чагда оҕонньорго тугу да
эппэтэ.
Тылбытын байытабыт
Номох — өрдөөҥҥү, былыргы түбэлтэ эбэтэр киһи туһунан норуот
умнубат кэпсээнэ.
Удьурҕай — хатыҥ саамай төрдүн иирчэх курдук эриллэн үүммүт
саастаах ордук кытаанах, бөҕө өттө.
Хоһуун — хорсун, эрдээх, хотоойу санаалаах.
Анаан дьүүллэһии
Олоҕу дьоһуннаахтык олоруу диэни хайдах өйдүүгүтүй? «Олох
оҕо оонньуута буолбатах», «Өрүс долгуннаах, олох очурдаах»
диэн өс хоһооннорун иитэр-үөрэтэр ис номохторун быһаарсыҥ.
Атын омуктарга манна майгынныыр өс хоһоонноро бааллар дуо?
АЙАР, АЙЫМНЬЫЛААХ ҮЛЭ
«Мин олоххо дьулуһуум» тиэмэҕэ кыра кээмэйдээх суругунан
үлэни толоруҥ. Кылаас иһигэр дебат тэрийэргэ сүбэлиибит.
92
