Page 93 - Литература 8 кылаас 2 чааhа

¥гэс кэһиллиитин содула

Николай Байанаайап быйыл дойдутугар Долбор балыыһа-
тыгар баран практикаланна. Кини билэр дьонноро баар сири-
гэр, буолаары буолан төрөөбүт нэһилиэгэр, идэтин баһылыан
иннинэ үлэлиир да, практикаланар да баҕата суоҕа. Ол гынан
баран Ньургун Николаевич көрдөһүүтүнэн, дьыала интэриэһи-
гэр диэн Долборго барарга сөбүлэспитэ.

Коля, кэлээт даҕаны, сүрүн үлэтин таһынан, балыыһа ар-
хыыбын хасыһан, олохтоохтору кытары көрсүһэн сэһэргэһэн,
кинилэр доруобуйаларын бэрэбиэркэлээн, научнай үлэтигэр
матырыйаал хомуйан киирэн барбыта. Манна кэлэригэр киниэ-
хэ Ньургун элбэх сүбэни-аманы биэрбитэ да, Коля мунаарар
боппуруостара хас хардыытын аайы көрсүһэллэрэ. Миэстэ-
тигэр тута эппиэт биэрэр, чинчийии хайысхатын сүрүннүүр ки-
һи суоҕа ыарахан этэ. Ол иһин Байанаайап Ньургун Николае-
вичтан кэмиттэн кэмигэр суругунан сүбэлэтэргэ, мөккүөрдээх,
мунаах боппуруостары кинилиин дьүүллэһэргэ быһаарыммыта.
Ол күнтэн ыла устудьуон уонна кини салайааччытын икки ар-
дыгар тиһигэ быстыбат суругунан сибээс олохтоммута.

Ньургун Николаевич!
...Эн сүбэҕинэн Эргэ уонна Саҥа Долбор олохтоохторун до-
руобуйаларын туругун уонна физиологическай көрдөрүүлэрин ту-
һунан матырыйаал хомуйдум, онтубун улахан өттүн методика
быһыытынан ааҕан-суоттаан, ырытан бүтэрдим. Дьэ дьикти
хартыына! Эргэ Долбор олохтоохторо букатын кэриэтэ ыал-
дьыбаттар, дэҥ ыарыйдахтарына даҕаны, чэпчэкитик аһарал-
лар. Оттон Саҥа долбордор быһата амбулатория аанын сап-
паттар. Биллэрин курдук, ити икки бөһүөлэккэ кэлии киһи
ахсааннаах — 90-ча бырыһыаннара төрүт олохтоохтор. Саҥа
Долборго үксүлэрэ эдэрдэр. Толкуйдуу сатыыбын да, тугу да
тобулбатым. Тоҕо итиннигий? £ссө туох матырыйаалы хому-
йуохха сөбүй? Практика бэркэ баран иһэр. Иван Никоновичтан
уонна аҕабыттан, Чагдаттан, эҕэрдэтэ тут.

Коля. Долбор бөһүөлэгэ

Коля!
Суругуҥ, интэриэһинэй сонунуҥ иһин — махтал!
Эн боппуруостаргар чуолкай эппиэти биэрэр кыах суох. Дол-
бор — таабырын, ону таайар наадатыгар төһө кыалларынан
элбэх араас матырыйааллары мунньуохха наада. Саҥа Долбор

93