Page 96 - Литература 8 кылаас 2 чааhа

быһыылаах. Эрииргэ-мускуурга түбэһиэх, хараастыылаах да тү-
гэннэри көрсүһүөх киһи, хата, өйүүн практикам бүтэр.

Көрсүөххэ диэри.

Коля. Долбор с.

Ити сурук кэнниттэн Коля нэдиэлэ кэриҥэ сынньанан, аҕа-
тынаан Чагдалыын бултаан-балыктаан баран, үөрэҕэр Дьокуус-
кайга көппүтэ.

Анаан дьүүллэһии

Олох эргэ уонна саҥа көстүүтэ диэни хайдах өйдүүгүтүй? Үгэ-
һи олох хайа көстүүтүгэр киллэриэххэ сөбүй, тоҕо? Үгэһи кэһии
билиҥҥи олоххо баар дуо, бу туохха тиэрдэрий? Бэйэҕит эбэтэр
чугас дьоҥҥут олоҕор буолбут дьиҥ түбэлтэҕэ олоҕуран кэпсэ-
тиһиэххитин сөп.

Дьүкээбил уоттаах түүн

Ньургун Николаевич бу түүн олус куһаҕаннык утуйда. Ол
иһин тэһийэ сатаан, дьиэтэ тымныытыттан салыннар даҕаны,
туран таҥнан таһырдьа таҕыста.

Түүн ырааппыт — ¥ргэл тимирэрэ чугаһаабыт. Куорат уту-
йа сытар. Арай онно-манна, утуйан, нуктаан дьиппинийэн
турар дьиэлэр сабыылаах түннүктэрин нөҥүө имик-симик
уоттар умайаллар: баҕар, саҥа айымньы суруллара, массыы-
на айыллара буолуо, эбэтэр ийэ оҕотун аһатара эбитэ, ким
ыалдьыбыта дуу? Элбэххэ бары-барыта баар буолуон сөп.
Уотун-күөһүн умуруорбут, сэрэммиттии тыаһа суох сырылаан,
«Суһал көмө» массыыната ааста. Уулусса уҥуор-маҥаар ыт-
тар үрэн ньаҕыһаллар. Ханна эрэ ыт улуйара иһиллэр. Хай-
дах эрэ уку-сакы, Ньургун Николаевич тэһийбэтэхтии саннын
хамсатта. Хаампахтаан иһэн, хоту диэки үөһэ хайыспыта —
куорат үрдүнээҕи үүт туманы курдат халлаан уотун төлөнө,
экраҥҥа көстөр өҥнөөх музыка курдук, араас өҥүнэн дьи-
рибинии-ирбинньиктэнэ оонньуур. «£скөтүн манна ити курдук
умайар буоллаҕына, хоту хайдахтаах эрэ буолан эрэр», — дии
санаата Ньургун Николаевич. Халлаан уота, эбэтэр дьүкээбил
уота умайара киһини сөхтөрөр даҕаны, дьулатар даҕаны сүдү
хартыына.

— Халлаан уота умайар буоллаҕына, ол аата Сиргэ магнит-

96