Page 99 - Литература 8 кылаас 2 чааhа

Анаан дьүүллэһии

Наука, научнай арыйыы киһи олоҕор сабыдыаллаах эбит дуо?
Дакаастааҥ. Уһун үйэлэниини чинчийбит учуонайдар тустарынан
Интэриниэт сайтарыттан булуҥ, кэпсэтиһиҥ.

УУС-УРАН ТЫЛ ЭЙГЭТИГЭР

Ааптар дьиҥнээх наукаҕа олоҕуран суруйбут миэстэлэрин бу-
луҥ. Наука тиэрминнэрин уһулуҥ, быһаарыытын тиэрмин тыл-
дьытыттан булуҥ.

Утары аргуменнар

Геронтология уонна гериатрия лабораториятын «мэйии» —
«мозговой центр» диэн ааттанар балачча киэҥ хоһо дьонунан
туолбут. Манна лаборатория үлэһиттэриттэн ураты, Саха уни-
верситетын медицинскэй факультетын үрдүкү куурсун усту-
дьуоннара, атын ыаллыы лабораториялар сотрудниктара мус-
тубуттар. Бүгүн лаборатория научнай сэминээригэр «Саҥа
уонна Эргэ Долбор олохтоохторун доруобуйаларын туруга» диэн
тиэмэҕэ медицинскэй факультет устудьуона Николай Байанаа-
йап дакылаат оҥоруохтаах. Специалистарга, буолаары буо-
лан, лаборатория научнай сэминээригэр устудьуон дакылааты
оҥороро — ханна да сэдэх буолар. Оттон Айылҕа институтугар
бу бастакы түбэлтэ, онон ордук сонун этэ. Дакылаат тиэмэтэ
эмиэ интэриэһинэйэ. Институкка Долбор туһунан киһи үксэ
билэрэ. Устудьуон үлэтин Чорооноп салайарын, үлэ сүрүн
идиэйэтэ онон Ньургун Николаевич киэнэ буолуохтааҕын өтө
сэрэйэллэрэ. Ньургун Николаевич туруорсар боппуруоһун эмиэ
билэллэрэ. Ити түмүгэр сэминээр, үксүгэр буоларын курдук,
аатыгар эрэ буолбакка, чахчы кэрэхсэбиллээхтик, мөккүөрдээх-
тик барыах, киирсиилээх, харсыылаах да буолуох кэриҥнээҕэ.
Онон бу сэминээргэ элбэх киһи мустубута оччо соһуччута суоҕа.

Коля кини диэки туһаайыллыбыт, сэргии, чинчийэ, тургу-
та-сэнии да көрөр уонунан харахтан симиттэн ылла.

Кылгас аан тылы эттэ — үлэ мэтиэдьикэтин уонна хомуйул-
лубут матырыйааллары анаалыстааһын кэнниттэн, ханнык тү-
мүктэргэ кэлбитигэр тохтоото:

— Бастакытынан, — диэтэ кини холкутуйа охсубут сөҥ куо-

99