Page 100 - Литература 9 кылаас 1 чааһа

тураары гынным дуу. Дьон эрэ билбэтэллэр, аньыы диэн туох
буолуой, ол хаһан өлөн буор анныгар киирбиппит кэннэ ким
кэлэн иэстиир үһү, оннооҕор киһини өлөрбүттэр сылдьаллар.
Аньыытааҕар саат улахан. (Ол-бу диэки көрөр.) Барыахха, тии-
йэрим эрэ буоллар, ампаары тиэрэ булкуйан көрүөм этэ, ыал
утуйда ини. Урут уора үөрэммэтэх буоламмын, хайдах эрэ…
Ээ, ол эрээри биир санааны ылыныахха.

Түргэнник барар.

УОН БИИРИС КӨСТҮҮТЭ

М а р ы ы н а.

М а р ы ы н а (ытаабыт). Бии хара дьайдаах барбыт ээ.
Туох ааттаах имнэннэ буолла. Киһи буолбат оҥоһууга абааһы
сөрүөһүннэҕэ буолуо. (Балаҕан ойоҕоһугар олорор.) Туох кэ-
бин кэбилэнээри гынныҥ диэбиппэр сии сыста. Хараҕа-сирэ-
йэ турбута сүрдээх. (Тохтуур.) Хайдах гынарбыный?.. Хайдах
да гынар сир суох. Тыллаан биэрэр эмиэ сүрэ бэрт. Ок-сиэ,
итинтэн сылтаан туохха-туохха түбэһэн иһэбит… Дьоҥҥо бил-
лэрдэргин эрэ, эйигин өлөрөн баран барыам диир. Абааһы
имнэммит буоллаҕына, кырдьык, өлөрүө даҕаны. Дьэ алдьар-
хай… Туох истиэ, көрүө баарай. Оттон бэйи, саатар, өлүү
өһөскө, кини уоран аҕалбытыттан туһамматарбын үчүгэй этэ.
Оо, тойон таҥара!..

М а а п п а (бэйэтэ көстүбэккэ, саҥата иһиллэр). Ийээ!
Ханна баран хааллыҥ?

М а р ы ы н а. Тукаам! Бу олоробун. Билигин киириэм. Ту-
рума, бар утуй!

М а а п п а. Аҕам эмиэ итиннэ баар дуо?
М а р ы ы н а. Чэ-чэ, саҥарба, баар… Билигин киириэхпит…
Саатар, аҕатын майгытын ити чыычаах оҕото билбэтэ буоллар
үчүгэй буолуо этэ. (Турар.) Били күтүр өстөөх тугу-тугу эрэ
дьаабыланан эрэрэ буолла. Дьэ өлүү… (Барар.)

Быыс түһэр.

? Ыйытыылар уонна сорудахтар

1. Уйбаан туох киһиний? Баай уонна Дьол диэн өйдөбүлү хай-
дах сибээстиирий? «...бэйэҕэ бэйэ хамначчыт буолуута»
диэни эһиги хайдах өйдүүгүтүй?

2. Уйбаан «Мин, байарбын биллэрбин, тугу баҕарар оҥоруом

100