Page 113 - Литература 9 кылаас 1 чааһа

һэ эрэ буоллар абааһы түннүктэринэн быгыахтас буола мус-
тар. Онтон куттаммат эбиккит дуу? (Күлэр.)

О ҕ о л о р (бары). Тыый, тыый, кэбис, оҕолоор, кырдьык,
атын сиргэ оонньуоҕуҥ. (Бары сырсан хаалаллар.)

ҮҺҮС КӨСТҮҮТЭ

Т и и т э п соҕотох.

Т и и т э п. Куттаннылар ээ. (Күлэ-күлэ хааман кэлэр.) Маап-
па кыыс кэлэн ааһа илик буоллаҕа дуу. Бэйи, манна олоро
түһүөххэ. (Дүлүҥ үрдүгэр олорор.) Ок-сиэ, бу сэп-сэбиргэл
хаалан турдаҕын… Аҕам эрэйдээх сотору остуруоктан тахсар
үһү. Төһө эрэ дьүдьэйдэ, кырыйда буолла? Баартын тухары
көрө иликпин. Дьэ барарыгар сүрдээх суол этэ, ама ааспытын
иһин. Барарыгар эппитэ ээ: «Тыала суохха мас хамсаабат»
диэн, ол эппитин хаһан да умнубаппын. Ама уоруйах буолтун
иһин, аҕам диэтэххэ, үчүгэй киһи этэ. Мин да кини тылын
сыыспатым… (Оҕолор саҥарсаллар.) Оҕолор барахсаттар, аны
онно баран оонньоон эрэллэр… Мааппа тоҕо кэлбэтэх буол-
лаҕай?

ТӨРДҮС КӨСТҮҮТЭ

Т и и т э п, М а а п п а.
М а а п п а уҥа диэкиттэн кэлэн ааһан иһэр.

Т и и т э п. Мааппаа! Тохтуу түс эрэ.

М а а п п а тохтоон көрөр.

Т и и т э п. Мааппа, кэл эрэ, манна олоро түс. Ханна бачча
тиэтэйдиҥ?

М а а п п а (кэлэр). Тиэтэйиэм суоҕа дуо. Эн манна тугу
гына олороҕун?

Т и и т э п (илиититтэн тардар). Кэлиэм суоҕа дуо? Бу суол
кытыытыгар сүрэҕим сирдээн аҕалар ээ, эн ынахсыттаргар
күн аайы кэлэргин-бараргын билээхтиир буоллаҕым дии. (Тар-
дар.) Хата, манна олоро түһүөх, мин аччыгый наадалаахпын…
(Олорор.)

М а а п п а (олорор). Чэ эт, ол тугуй?
Т и и т э п. Бэйэҥ да сэрэйэр инигин. Эн туора киһини туо-
ра киһи таптыыра диэни билэҕин дуо?
М а а п п а. Ким билэр. Ол мин билэрим-билбэтим туох буо-
луой.
Т и и т э п. Мааппаа! Хайа, аҕаҕыттан ыйыттыҥ дуо?.. Ха-
һааҥҥа дылы бачча дьон бу курдук икки саары икки ардыгар

113