Page 12 - Литература 9 кылаас 1 чааһа

Туоххаһыйбытын тоторуоҕун иһин
Үрүҥ күүгэнинэн үлүннэрдэ,
Доҕотто-о-ор!
Дьэ-э, дуо-о!
Иэйэхсит хатын иһэрэ
Илэ-бааччы иһилиннэ эбээт!
Оҕоло-о-ор!
Э-э-э дуо-о!
Толон самыыр норойуонайдаах эбээт!
Оҕоло-о-ор!
Э-э-э дуо-о!
Дорҕоон этиҥ суорумньулаах үһү!
Доҕотто-о-ор!
Уот чаҕылҕан кымньыылаах эбээт!
Оҕоло-о-ор!
Ыадаҥ ыаҕас ындыылаах эбит эбээт!
Доҕотто-о-ор!
Дьэ-э дуо-о!
Тийгэн* симиир кэһиилээх!
Оҕоло-о-ор!
Э-э-э дуо-о!
Чохчой көҕөн бөктүргэлээх үһү!
Доҕотто-о-ор!
Дьэ-э-э дуо-о!
Ой томторук тоҥолохтоох эбит эбээт!
Доҕотто-о-ор!
Дьэ-э-э, дуо-о!
Эриэн ситии энньиргэлээх ини дэ-э!
Доҕотто-о-ор!
Чэйиҥ, доҕоттоор, уурайарбыт буолла!
Удьуор тохору оҥоруу буоллун!
Оҕоло-о-ор!
Э-э-э дуо-о!
Кэнэҕэһин үйэ тохору
Кэскил буоллун диэн этиэҕиҥ,
Доҕотто-о-ор!
Э-э-э дуо-о!
Удьуор тохору уурайбакка
Оҥоһулла турдун, доҕоттор!
Э-э-э дуо-о!
Тохтообокко тулхадыйбат туураны
Туураланнын диэн туомнаатахпыт буоллун!

12