Page 150 - Литература 9 кылаас 1 чааһа

Аах. Бил. Туһан

1. Башарин Г. П. Н. Д. Неустроев / Три якутских реалиста-про-
светителя. — Я. : Книга, 1994. — С. 93—109.

2. С. Тумат. Кылгастык, чаҕылхайдык // Чолбон, 1995. — 4 №.

ПЛАТОН АЛЕКСЕЕВИЧ СЛЕПЦОВ — ОЙУУНУСКАЙ
(1893—1939)

Хайа баҕарар норуокка кини туох
баар үтүөтүн, үчүгэйин, кэрэтин — өр-
көн өйүн, самныбат санаатын, чаҕылхай
талаанын, сырдык ыратын, холобура
суох хорсунун, модун волятын иҥэрим-
мит уһулуччулаах дьон баар буолал-
лар. Оннук дьон, үгэс курдук, уопса-
стыба сайдыытын ураты бэлиэ кэмнэ-
ригэр, норуот күүһэ муҥутаан тыынар
мүччүргэннээх күннэригэр чаҕылҕан кэ-
риэтэ күлүм гынан ааһааччылар (киһи
үйэтэ диэн, төрдө-төбөтө биллибэт ус-
туоруйаҕа холоотоххо, чыпчылыйыах тү-
гэнэ буоллаҕа…)
Ити уһулуччу дьон уһун дуу, кылгас дуу олохторун усталаах-
туоратыгар бары өйдөрүн-санааларын, кыахтарын-дьоҕурда-
рын, күүстэрин-күдэхтэрин төрөөбүт бар дьоннорун, иитилли-
бит Ийэ сирдэрин туһугар анаан, үтүмэн үгүс үлэни үлэлээн,
киһи сөҕөр күчүмэҕэйдэрин туораан, ким да кыайбатаҕын кыа-
йаннар, ама киһи айбатаҕын айаннар, норуот символа, албан
аата, киэн туттуута буолаллар. Биир кэмҥэ үөскээбит дьон-
норо эрэ буолбакка, кэнэҕэски көлүөнэлэр бүтүннүү кинилэр-
гэ сүгүрүйэллэр, кинилэр ааттарын ааттаабытынан күн сирин
көрөллөр. Оттон атын норуоттар бу норуоту бастатан туран
кинилэринэн сирэйдээн билэллэр, кинилэринэн холоонноон
өйдүүллэр.
Саха норуотугар биир оннук киһи Платон Алексеевич Ойуу-
нускай буолар.

Софр. П. Данилов

150