Page 155 - Литература 9 кылаас 1 чааһа

МАҤНАЙГЫ ООННЬУУТА

Сайын. Түүн ааһан, халлаан сырдаан эрэр. Этиҥ этэр, чаҕылҕан
күлүмнүүр. К ы һ ы л О й у у н Амма кытылыгар, Тэйэр хайа анныгар,

кэлтэгэй отууга утуйа сытар.

I

Талах быыһыттан дойду иччитэ Э б э Х о т у н тахсан кэлэр.

Эбэ Хотун

(уруйдуу-уруйдуу).

Уруй-айхал улааттын!!!
Уйгу-быйаҥ тутуурдаах
Орто дойдум олоҕун
Очурдарын тупсарбыт
Отун-маһын иччитэ,
Күлүм-илим көтөҥҥүт,
Күлэн-көтөн кэлээхтээҥ.

Отунан далбаатыыр.

II

Сир симэҕэ таҥастаах о т-м а с и ч ч и л э р э ирбинньиктэһэн кэлэннэр,
Эбэ Хотуҥҥа сиргэ тиийэ сүгүрүйэллэр.

От-мас иччилэрэ

(сиэттиһэ сылдьан).

Эбэ Хотун эдьиийбит!
Эҕэрдэлээн этэбит —
Эргэлиирэ үйэбит
Эргийбэккэ эһиннэ,
Көтөр-сүүрэр кыыллардаах,
Көҕөрөөхтүүр хонуулаах
Сирдэригэ дойдубут
Симэхтэрэ ситтилэр.
Кутар быйаҥ ардахпыт
Курулаччы кутаахтаан,
Дьоллоох олох тубуста,
Дьоллоох соргу улаатта.

(үҥкүүлүү-үҥкүүлүү)

Үөрүүлэрбит үрдээтэ,
Үҥкүүлүүрбүт үксээтэ,
Өрөгөйдөөх олохпут
Өрө үллэн таҕыста.
Таастаах хайа хаххалаах,

155