Page 166 - Литература 9 кылаас 1 чааһа

Эҥэрдэһэн-эргийэн кэллэ.
Одун хаан оҥоруутун толороору,
Орто дойду олоҕун тупсараары,
Орто дойду баһылыга буолбут
Оруос Баай убайбыт оҕонньор
Кыра кыыһын, Айыы Куону,
Кыырай халлаан кылаан бэрдигэр,
Орой-буурай Орулуос Дохсуҥҥа,
Ойох биэрээри, айах тутта,
Төлкө түһэрдэ, түөрэх олорто.
Төрөөбүт дойдуҥ төлкөтүн санаан,
Мөккүөр бөҕөҕүн мөлтөтүй,
Мөккүөр бөҕөҕүн төннөрүй!
Икки атахтаах, иннинэн сирэйдээх
Иирэр илбиһэ, хара кырыыһа
Солото-сокуона суох буолбат,
Соро-муҥа суох сылдьыбат…
Кини — өлөр өлүү күлүгэ,
Кини — эрэй-буруй элэгэ!

Саһыл Ойуун уолунаан иккиэн

(сүгүрүйэ-сүгүрүйэ).

Уруй-айхал нии!!!
Уруй-айхал нии!!!
Орто дойду баһылыга буолбут
Оруос Баай, убайыҥ оҕонньор,
Өрөгөйдөөх өксөкү көтөр
Өлбөт үҥэр таҥаралаах,
Кытарар уот кынаттаах
Кыһыл Ойуун обургуга,
Үс бараа-хара күлүккэр
Үстэ үҥэн сүгүрүйэр…
Бэрт бэрдэ, ойуун улуута,
Бэттэх көрөн, мичик гыный!

Олороллор.

Кыһыл Ойуун

Алдьархайдаах айыым аймаҕын
Ат гынан айааһаабыт-мииммит,
Эрэйин-буруйун элбэппит,
Эрийэн-мускуйан олорбут,
Орто дойду баһылыга буолбут
Оруос Баай обургуну,

166