Page 169 - Литература 9 кылаас 1 чааһа

ҮҺҮС ООННЬУУТА

Күһүн. Оруос Баай дьиэтэ. Суоруулаах балаҕан. Айгыраабатын диэн эрки-
нин аайы аҕыстыы баараҕай-балтаххай баҕаналардаах. Айгыраспыт-хаҥырас-
пыт оһуор ойуулаах алтан көхөлөрдөөх. Ойуулаах-оһуордаах сүлүүдэ түннүк-
тэрдээх. Бастыҥ оронноро бөрө тириитэ олбохтоохтор, атах оронноро эһэ
тириитэ сабыылаахтар. Үстүү атахтаах төгүрүк сандалы маҥан остуоллар ту-

ругуран тураллар. Хаҥас диэки хара дьиэ аана көстөр.

I

Оруос Баай

(соҕотоҕун олорор).

Орто дойду олоҕо уларыйда,
Одун хаан ыйааҕа умнулунна,
Тимир үйэ тиийэн кэллэ,
Тиистээх-тыҥырахтаах элбээтэ.
Сир-халлаан ыйааҕын тутаары,
Сир халлаан оҥоруутун холбоору,
Кыра кыыспын, Айыы Куону,
Кыырай халлаан кылаан бэрдигэр,
Орой-буурай Орулуос Дохсуҥҥа,
Ойох биэрэн, уруулаһан эрэбин…
Тиистээх-тыҥырахтаах тимир үйэнэн
Тилэх тэпсэн, күөн көрсөн,
Биирбит өрөгөйө үрдээтин,
Биирбит соргута умустун!

(тохтуу-тохтуу)

Саһыл Ойуун сааһым тухары
Санаабын билэрэ, суолбун ыйара.
Кини кэллэр, кэпсээнин истэн,
Кэскили тэринэн, олоҕу оҥорон,
Санаабыт санааны салайыллыа этэ,
Саргы-дьаалыны тупсарыллыа этэ.
Утары көрбүтү умсары көрдөрөрүм,
Улуу бэртэри уодьуганнарын тардарым.
Уһуктаахха түбэһэн уолдьастаҕым,
Үйэм аастаҕа, кэскилим кэҕиннэҕэ,
Үүнэр үйэ өркөнө үтүрүйдэҕэ…
Түүллүүн-биттиин түлэгэдийдим,
Түлүөс-балаас түһэн бардым…

169