Page 176 - Литература 9 кылаас 1 чааһа
P. 176
Суһуоххун тарааный!
Орой-буурай обургу
Орто дойду дьоннорун
Сорун-муҥун оччоттун,
Соло-соргу тубустун.
Тырымныыр чыычаахпыт,
Тыкаарар далбарбыт!
Өрө түллэн долгуйан,
Өрө үллэн дьалкыйан,
Уйгу-быйаҥ улааттын,
Уруй-тускул соноотун.
Бары
Уруй-айхал!
Уруй-айхал!
VII
Этиҥ этэр, үөлэс үүтүнэн күөх уот таҥнары күлүмнүүр. Дьиэ ортотугар Кыһыл
Ойуун дүҥүрэ дар гына олоро түһэр. А й ы ы К у о, часкыйбытынан, дүҥүргэ
умса кэлэн түһэр. Б а р ы, соһуйаннар, олоро түһэллэр.
Айыы Куо
(көбүөхтүү-көбүөхтүү).
Өллүүм…
Өллүүм…
Оруос Баай
(тура-тура)
Кыайтардым дуу?!!
Кыайдым дуу?!
Саһыл Ойуун
(чарапчыланан көрөр).
Кыһыл Ойуун дүҥүрэ…
Кыһыл Ойуун дүҥүрэ…
(умса көрө-көрө)
Кыайтардыбыт…
Кыайтардыбыт…
Үллэр өлгөм күүстээх
Үүнэр үйэ кыайда…
176
