Page 56 - Литература 9 кылаас 1 чааһа
P. 56
2. Бухатыыр ата ханнык түбэлтэҕэ, хаһан, тоҕо киһилии саҥа-
рар эбитий? Олоҥхоһут ат ырыатын тылыгар туох уратыны
туттубутун быһаарарга холонуҥ.
3. Харыадьылаан Бэргэн андаҕарын өйдөөн ааҕыҥ. Андаҕар
тыла алгыс тылыттан ис хоһоонунан, сүрүн санаатынан
туох уратылааҕын быһаарыҥ.
Билиэн-көрүөн баҕалаахтарга
XX үйэ олоҥхоһута Бүлүү олохтооҕо Василий Осипович Ка-
ратаев «Модун Эр Соҕотох» олоҥхотун оҕо сылдьан биир дойду-
лааҕа Бүлүү аатырбыт олоҥхоһута Т.П Гоголевтан истэн иҥэ-
риммитэ, таптаан толорор олоҥхо оҥостубута. Аҕатыттан уус
идэтигэр уһуйуллан сааһын тухары тутууга үлэлээбитэ. Уус-
уран самодеятельноска көхтөөхтүк кыттара. Норуот ырыатын-
тойугун, олоҥхоттон быһа тардыыны кэнсиэртэргэ үгүстүк
толороро. Фольклорист В.В. Илларионов В.О. Каратаев «Мо-
дун Эр Соҕотох» олоҥхотун маҥнай 1974 сыллаахха, иккиһин
1982 сыллаахха магнитофоҥҥа устубута. Онтон сурукка кил-
лэрэн, быһаарыылаан, бэлэмнээн «Памятники фольклора на-
родов Сибири и Дальнего Востока» сиэрийэҕэ 1996 сыллаах-
ха икки тылынан бэчээттэппитэ. «Модун Эр Соҕотох» олоҥ-
хо нууччалыы тылбааһын П.Е. Ефремов, С.П. Ойуунускайа,
Н.В. Емельянов оҥорбуттара.
56
