Page 73 - Литература 9 кылаас 1 чааһа

Одурууннаах омуктар
Дьоллоох олохторун
Тордуйалаах уу курдук,
Тоҕо оймуурум буоллар,
Орто туруу дойдуга
Соҕотоҕун тойоргуом этэ;
Икки атахтаах бииһин ууһун,
Иһиттээх ымдаан курдук,
Иҥнэри кэһэрим буоллар,
Ийэ сири мин эрэ
Иилиэ-саҕалыа этим», —

диир ахан эбит.

Дом-дом-дом!..
Дом-ини-дом!..

Ол Дьобуруопа хотуҥҥа дьон
Үөн курдук үксээн,
Көйүк көрдүк көөнньөн,
Туман курдук тунуйан,

Ийэ сирдэригэр
Иитиллибэт буолан,
Истэрэ сипсийэн
Этэ сытыыллар эбит:
«Эргэ бэрээдэги эһэн
Эҥин үчүгэйдэ
Тэрийиэҕиҥ» диэн,
Олох дойдуларыгар
Олус туолан,
Оһоҕосторо хоргуйан
Олуһа сытыыллар эбит:
«Урукку олоҕу уларытан
Уйгулаах олохто
Оҥостуоҕуҥ» диэн.
Харыларын сиилэлэринэн
Хайдах даҕаны
Хайаҕастарын бүөлэммэккэ,
Хаайса сытыыллар эбит:
«Хара баттыгаһы хаалларан,
Хайҕаллаах дьаһалы
Хаҥатыаҕыҥ» диэн.
Ону баара —
Үгүс үйэлэртэн ыла

73