Page 74 - Литература 9 кылаас 1 чааһа

Үктүү-баттыы үөрэммит
Үрүт дьүүл тутаахтара,
Үрүҥ харахтарын
Өрө көрдөрбөккө,
Өлөртүү тураллар эбит.

Кырдьаҕас үйэлэртэн ыла
Кыралар тылларыттан
Кыбыстыбакка үөрэммит
Кылаабынай тутаахтар
Кыргыталыы тураллар эбит.

Урукку сокуон олоҕор
Уойбут-топпут
Улахан тутаахтар
Утары көрбүтү
Улуу остуруоктарга
Угуталыы тураллар эбит.
Бу иһин
Кистэлэҥ сүбэнэн
Кэмэ суох элбэх
Киксиилэр тэриллибиттэр,
Сири аннынан
Сэкириэтинэй сүбэлэр
Сэмэлэнэн эрэллэр,
Суут кулгааҕа истибэтинэн
Собуот-баабырыка аайы
Сурук-бичик суугунаан эрэр.
«Солобуода» дии-дии суудайаллар,
«Эрэбэлииссийэ» дии-дии иирэллэр,
«Эрэспиибиликэ» дии-дии
Эҕэрдэлииллэр эбит.
Ол туох-туох
Кус-хаас тойуга буолла —
Кэпсээннэрин истибэт

буолан кэбэлийдим,
Саҥаларын сабаҕалаабат

буолан сарбылынным,
Тойуктарын толкуйдаабат

буолан тууйулуннум.
Хара норуот
Харахха анньа турар
Хараҥа баттатыылаах буолан
Хабырыһа сатыыр эбит,

74