Page 75 - Литература 9 кылаас 1 чааһа

Сырайга анньа турар
Сылтах тыллаах буолан
Сытыырхайа сытыыр эбит,
Көстөн турар
Күөмчүлэппиттээх буолан
Күүстээхтик күрэстэһэр эбит.
Ол тугуй диэтэргит, —
Толкуйдуу олоруҥ,
Туойан көрүүм.

Баһаам баайдар
Баабырыка дьаһалынан
Баһа суох дьон,
Бастыҥ сиилэлэрин
Баһыйан кэбиһэн,
Баламат алдьархайы арыйбыттар.
Сомсуулаах баайдар
Собуот күүһүнэн
Сорох норуот
Сототун сиилэтин
Солбонутан кэбиһэн,
Сор-суол ойоҕостообуттар.
Халыан баайдар
Хаҥыл массыынанан
Хара норуот
Харытын сиилэтин
Хаайан кэбиһэн,
Хараҥа өһү хаҥаппыттар.
Уот тыыннаах
Улахан собуоттар
Уолан дьон
Уһун уҥуохтарын
Урусхаллыы тураллар эбит.
Ыстаал массыыналар
Ыччат дьону
Ыйыстыталыы тураллар эбит.
Тимир массыыналар
Тиһэх дьон киэнин
Тириилээх уҥуохтарын
Тиистэрин быыһынан
Тибиирэ тураллар эбит.
Бу туһуттан
Кымырдаҕас курдук
Кыймалаһан үөскээбит

75