Page 84 - Литература 9 кылаас 1 чааһа
P. 84
Күн сырдыгыттан күрэнэр
Күчүмэҕэйэ бэрдиттэн
Күүстээх диэки өттүлэрэ
Күн дьонун көмүллээтилэр;
Аан дайдыттан арахсар
Абытайа бэрдиттэн
Арыыйда диэки өттүлэрэ
Айыы дьонун аһылыктаннылар;
Ийэ сиртэн тэлэһийэр
Илдьиркэйэ бэрдиттэн
Икки атахтаах этинэн
Иитиллэ сытаатылар…
Ахса биллибэт дьон
Амсыырдаһан бараннылар,
Үгүс күбүөрүнэ дьон
Үтэлэһэн бүттүлэр,
Отуттуу мөлүйүөн киһи
Оһоҕоско бустулар.
? Ыйытыылар уонна сорудахтар
1. Идэмэр Кустуктай, Уот Солуонньай «Уруй-айхал тойукта-
рын» уонна Сир ийэ хатын көмүскүүр дьүүлүн аахтахха,
туох санаа үөскүүрүй?
2. Сэрии алдьархайын ойуулааһын Аҕа дойду сэриитин көстүү-
лэригэр дьүөрэлээх дуо?
3. Сэрииттэн ким туһаны ылла?
4. Кыра, кыаммат-түгэммэт омук соргутугар сэрии туох ох-
сууну оҥордо?
Бу долгун ортотуттан ыла
Кэлин тиһэҕин диэки
Дохсун үгүс дьон
Үөскээбит үтүө дойдуларыттан
үтүрүллэн,
Иитиллибит ийэ сирдэриттэн
тэлэһийэн,
Айыллыбыт аҕа дайдыларыттан
арахсан,
Салаҥ элбэх
Сай күдүө дьон
84
