Page 138 - Литература 9 кылаас 2 чааһа

уолу чарапчыланан көрбүтэ уонна үс курдуулаах моҕол ураһа-
тыгар киирэн хаалбыта.

Уол хорсун быһыытын көрөн туран, санаалара уларыйбыт
оҕонньоттор алгыстарын курдук, уол этэҥҥэ кытылга үктэм-
митэ. Уу чоккурас буола ньылбы сытыйбыт, ол эрээри дьо-
луттан-үөрүүтүттэн сиргэ таба тирэммэт буолбут уолу күүтэн-
кэтэһэн турбут кыыс быраантан таҥнары сүүрэн киирэн кууһа
түспүтэ…

Улуу дьолтон туймаарыйбыт уоллаах кыыс атахтарын ан-
ныгар куугунуу эҥсиллэр көмүөлгэ букатын даҕаны кыһаммак-
ка, кинилэр истэригэр иитиллибит имэҥнэригэр, тастарынан
дьалкыллар дьалыҥнарыгар баһыйтаран, ыбылы куустуспутта-
ра, уохтаахтык уураспыттара…

Оттон аллара сибилигин аҕай мэҥиэстэн кэбиһиэх курдук
кэбилэммит улуу өрүс кини күүһүн-күдэҕин, кини уорун-кылы-
нын баһыйбыт улуу дьолго — Уохтаах Тапталга уруй ыллаан
ньирилии-ньиргийэ сыппыта.

Тыыннаах тыл

Хоту сир улуу өрүстэрин көмүөллэрин күүһүн ойуулуур-
дьүһүннүүр тыллары туттан бэйэҥ тылгынан кэпсээ.

Айымньыга Таптал уонна Өлүү мүһүлгэннээх кирбиитэ өйү-
сүрэҕи өрүкүтэрдик ойууланар түгэннэрин булан аах.

«Өлөр Өлүүнү баһыйар күүстээх бу Орто Аан Ийэ дойду-
га Таптал эрэ буолуон сөптөөх дуо?» диэн ыйытыы тула
диспутта тэрийиҥ.

Анаан дьүүллэһии

1. «Аан Чэлбэр Айылҕа барахсан өлбөт-сүппэт Улуу Эргиирин
уйулҕаннаах оонньуутугар кыттыспытынан барбыттара»
диэн этии ис номоҕун тойонноон көрөргө кыһаллыҥ.

2. «Хотугу сир улуу өрүстэрин көмүөллэрин күүһүттэн ор-
дук уохтаах-уордаах, суостаах-суодаллаах саха киһиэхэ
ама туох баар буолуой?!» Ааптар көмүөл күүһүн туохха
холообутун быһаарсыҥ. Хотугу сир улуу өрүстэрин майгы-
ларын туһунан сэһэргэһиҥ.

3. Аныгы киһи Ахтар Айыыһыт, Эдьэн Иэйэхсит ааттарын
олох ханнык түгэнигэр ахтан-санаан ааһыан сөбүй?

4. Былыр-былыргыттан сахаларга «Уу чугаһа, уруу ырааҕа ор-

138